Ցեղասպանությունը ճանաչելը ոչ միայն հայության, այլ ողջ մարդկության պարտքն է․ Արման Վարդանյան
Հասարակություն
«Միասնություն» շարժման ղեկավար Արման Վարդանյանն իր ֆեյսբուքյան էջում գրել է․
«Ցեղասպանությունը ճանաչելը ոչ միայն հայության, այլ ողջ մարդկության պարտքն է։
Հայոց ցեղասպանությունը մարդկության պատմության սոսկալի էջերից է՝ իրականացված Օսմանյան կայսրությունում 1915 թվականին՝ մոտ 1,5 միլիոն հայերի նկատմամբ կոտորածով, տեղահանությամբ ու անասելի դաժանություններով։ Ճշմարտությունն ու արդարությունը պահանջելը մեր իրավունքն է՝ հանուն մեր նախնիների հիշատակի, հանուն պատմական արդարության վերականգնման և հանուն նրա, որ նման ոճիր այլևս երբեք չկրկնվի որևէ ժողովրդի հանդեպ։
Մենք պահանջում ենք՝
• Ցեղասպանության համաշխարհային ճանաչում
• Թուրքիայից պաշտոնական ներողություն և պատասխանատվություն
• Հայ ժողովրդի պատմական հողերի և իրավունքի վերականգնում
Չնայած ցեղասպանությունների դատապարտման ուղղությամբ ձեռնարկված միջազգային ջանքերին, Թուրքիան շարունակում է ժխտողականության իր քաղաքականությունը՝ ոչ միայն վիրավորանք հասցնելով ցեղասպանության զոհերի արժանապատվությանն ու հիշատակին, այլև՝ քաղաքակիրթ միջազգային հանրության արդարացի պահանջին:
Հիշում և պահանջում ենք, չենք մոռանում։ Ցեղասպանությունը ճանաչելը ոչ միայն հայության, այլ ողջ մարդկության պարտքն է»։
1
2
3
4
5
2
3
4
1
3
4
5
