Բոզիկյան Մարգոն ու Ֆեյսբուքի «բլոկը»

Հասմիկ Բաբաջանյանը գրում է․

«Հոգնած ու արևից քամված տուն մտա: Տեսնեմ՝ ինչ կա-չկա աշխարհում,- անմիջապես բացեցի ֆեյսբուքը: Ընթերցողներիցս մեկը մի այնպիսի նամակ էր գրել, որ ծիծաղից մեռա: Հոգնածությունս մոռացա ու գրեցի՝ շնորհակալություն: Ինձ էր ուղարկել Հայկական ժամում տպագրված «Բոզիկյան Մարգոն ընդդեմ «Սասնա ծռերի» հանրահավաքի մասնակիցների» վերտառությամբ հոդվածն ու ավելացրել. «Բա ամոթ չի՞, սա ի՞նչ լկտիություն է, ինչ բառ ասես գրում են կայքերում: Վերջապես կին է, չէ՞, երեխաների մայր, էդ գրողին, հեղինակին պիտի դատի տալ»: Երբ ասացի՝ բա ի՞նչ գրի, նեղացավ՝ «քեզանից չէի սպասում»: Քիչ հետո տեսա, որ ինձ «բլոկ է արել», նամակով գրել՝ կնոջը նման անպատկառ բառ ասողին պաշտպանողը իմ ընկերների մեջ տեղ չունի: Չեմ կարողանում գրել ու ասել՝ եղբայր, ախր Մարգոյի աղջկական ազգանունը Բոզիկյան է: Գուցե հեղինակը դա նշել է՝ վիրավորելու առումով, (քավ լիցի, ես նրա իրավապաշտպանը չեմ), բայց ես կարծում եմ, որ յուրաքանչյուր մարդու ազգանունն իր համար պարծանք է»...