Սուրբ Աթոռում ադրբեջանցի վարդապետ է ձեռնադրվել
Աշխարհ
Հայր Բեհբութ Մուստաֆաեւը ծնունդով Բաքվից է: Գրեթե ամբողջ կյանքը ապրել է Ադրբեջանում: Ծառայել է արդբեջանական բանակի ՀՕՊ զորքերում: Աշխատել է մաքսային ծառայությունում: Մուսուլման ընտանիքի զավակը սակայն ընդունել է քրիստոնեություն, դարձել կաթոլիկ Եկեղեցու հետեւորդ: Հոգեւոր փորձառություն անցել Բելգիայի բենեդիկտյան վանքերից մեկում: Անցյալ տարի ձեռնադրվել է սարկավագ Ս. Պետերբուրգի լատինածես կաթոլիկ արքեպիսկոպոս Պաուլո Ռոցցիի կողմից:
Հռոմի Սրբազան Քահանայապետ Ֆրանցիսկոս Պապի` Ադրբեջան այցելության ժամանակ, սպասավորել նրան որպես սարկավագ` Ս Պատարագի ժամանակ: Եւ ահա երեսունհինգամյա ադրբեջանցի կաթոլիկ քրիստոնյա սարկավագը երեկ Նորին Սրբություն Ֆրանցիսկոս Պապի կողմից ձեռնադրվել է վարդապետ: Սա պատմության մեջ առաջին հայտնի դեպքն է , որ Կաթոլիկ եկեղեցում ազգությամբ ադրբեջանցի վարդապետ է ձեռնադրվում:
Ինչպես հայտնում է Սուրբ Աթոռի պաշտոնական ռադիոն, այս քայլով Սրբազան Քահանայապետը հիշեցնում է Բաքվին, որ Ադրբեջանում նաեւ քրիստոնեական խորը արմատներ են առկա: Ներկայումս նորաձեռնադրյալ վարդապետը շարունակում է իր ուսումնառությունը Ս. Պետերբուրգի լատինածես կաթոլիկ եկեղեցուն կից գործող ճեմարանում: Իր հարցազրույցներից մեկում Հայր Բեհբութ Մուստաֆաեւը նշել է, որ իր ընտանիքը խիստ բացասաբար է ընդունել ինչպես իր քրիստոնյա դառնալու, այնպես էլ եկեղեցականի կոչում ստանձնելու որոշումները սակայն ամեն դեպքում, ինքը հետեւել է Աստծո կանչին:
1
2
3
4
5
1
2
4
5
2
