Հայաստանում անցկացվել է Երկրորդ համաշխարհային պատերազմի վետերանների ընտանեկան արխիվներում պահպանված աշխատանքների մրցույթ
Հասարակություն
Հայաստանում անցկացվել է Երկրորդ համաշխարհային պատերազմի վետերանների ընտանեկան արխիվներում պահպանված աշխատանքների մրցույթ: «Հաղթանակն իմ արխիվում» մրցույթին մասնակցել են Հայրենական մեծ պատերազմի վետերանների ժառանգները՝ 35 տարեկանից փոքր երիտասարդներ, ովքեր պահպանել են գրական ստեղծագործություններ և նացիստների դեմ կռված հարազատների փաստաթղթեր։ Ինչպես rt.com-ին ասել է միջոցառման կազմակերպիչ, «Բարգավաճ Հայաստան» կուսակցության պատգամավոր Իվետա Տոնոյանը, տարբեր երկրներից ավելի քան 600 մասնակից է հայտեր ներկայացրել։ «Մրցույթին մասնակցել են 11-ից 35 տարեկան երիտասարդներ։ Նրանք ներկայացրել են իրենց պապիկների, տատիկների և Հայրենական մեծ պատերազմին մասնակցած այլ հարազատների նյութեր և տարբեր աշխատանքներ։ Դրանք արձակ են, պոեզիա, լուսանկարներ, նամակներ, օրագրեր, տեսանյութեր», - հարցազրույցում բացատրել է Իվետա Տոնոյանը։
Մրցույթն անցկացվել է երկու ձևաչափով։ Աշխատանքներն ընդունվել են ինչպես ֆիզիկական կրիչներով, այնպես էլ թվային տարբերակով՝ ինտերնետի միջոցով։ Մի քանի անվանակարգերում հաղթողներին շնորհվել են արժեքավոր մրցանակներ և հուշանվերներ։
Միջոցառումը համընկել է Հայրենական մեծ պատերազմում տարած հաղթանակի 80-ամյակի տոնակատարության հետ և նվիրված է եղել սերունդների շարունակականության ամրապնդմանը, ինչպես նաև ֆաշիզմի դեմ մարտիկների սխրանքների հիշատակի պահպանմանը։ Մրցույթի կազմակերպման գործում աջակցություն է ցուցաբերել «Գագիկ Ծառուկյան» բարեգործական հիմնադրամը։
Նյութը հրապարակման պատրաստեց Կամո Խաչիկյանը
1
2
3
4
5
1
2
3
5
1
2
3
4
5
