«Քո պատճառով, Գասպարյան Վովա, գնում եմ Բաքու»․ տեսանյութ

«Հրապարակ»-ը գրում է․

Ոստիկանության Շենգավիթի բաժնի պետի տեղակալ Վարդան Ղուկասյանի (Դոգ) մայրը այսօր Նախագահական նստավայրի դիմաց էր. նրա միակ պահանջը ՀՀ ոստիկանապետ Վլադիմիր Գասպարյանից է, պահանջում է, որ ազատ արձակի իր որդուն:

«Գասպարյանի Վովայի հետ էլ հնարավոր չի, էս մարդը իմ ընտանիքը ոչնչացնում ա, ոչնչացնում տղայիս՝ Ղուկասյան Վարդանին: 2014 թ առևանգեց տնից, եկավ իմ տուն, ամբողջը խուզարկեց, թափեց, կոտրեց, 530 դոլարն էլ վերցրեց, իմ էրեխին վեկալավ գնաց: Հոկտեմբերի 22-ի առավոտյան գնում եմ խնդրեմ, որ թող էլի, իմ էրեխուն թող, հրաման ա տալիս՝ իմ ձեռքերից ու ոտքերից բռնում են ոստիկանները, քցում են մեքենայի մեջ ու քշում են, թե ուր են տանում… 4 ժամ պահելուց հետո էդ փակ մեքենայի մեջ, իմանալով, որ ես մահացել եմ, ինձ քցում են մեքենայից հողերի մեջ ու իրենք գնում են, ես մնում եմ տենց հողաթաթախ, հիվանդ վիճակում, թե որտեղից ա ինձ մի տաքսի վերցնում ու բերում: Տղայիս պայմանականն ա ու բաց ռեժիմն ա, միջնորդությունը, որ ներկայացնում ա ՄԻՊ-ը, զանգում ա Օսիկյանին Գասպարյան Վովան ու ասում, որ Դոգը այնտեղ պետք ա ոչնչանա»:
Տիկին Սուսաննայի խոսքերով՝ Նուբարաշեն քրեակատարողական հիմնարկից դրական բնութագիրը տալիս են, սակայն ոստիկանապետը չի թողնում, թույլ չի տալիս, որ ազատ արձակեն: Մայրը նաև ասում է, որ եթե որդուն վաղաժամկետ պայմանական ազատ չարձակեն ինքը կմեկնի Բաքու. «Ավելի լավա ինձ Բաքուն խոշտանգի, կգնամ ես Բաքու երդվում եմ, թող նախագահը իմանա, որ քո պատճառով, Գասպարյան Վովա, ես գնում եմ Բաքու»:
Հիշեցնենք, Վարդան Ղուկասյանը դատապարտվել է 2 տարի 11 ամիս 28 օր ժամկետով ազատազրկման, նա մեղադրվել է շորթման եղանակով առանձնապես խոշոր չափի գումարներ յուրացնելու մեջ: