Խոշոր փոփոխություն տրանսպորտի ոլորտում․ գծատերեր այլևս չեն լինի
Բաց մի թողեք
Հայաստանում մեկ կամ մի քանի օպերատորների կողմից տրանսպորտային համակարգի սպասարկման ծրագիրը մշակման փուլում է: «Արմենպրես»ի հաղորդմամբ` այս մասին մայիսի 5-ին լրագրողների հետ հանդիպման ժամանակ ասաց ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը: Նրա խոսքով` ծրագիրը քննարկվում է եւ մինչեւ հունիս կլինի դրա տեխնիկական առաջադրանքը:
«Գծատեր չենք ունենա, կունենանք օպերատոր կամ օպերատորներ: Նախատեսվում է նաեւ միասնական տոմսերի ներդրման համակարգի կյանքի կոչում. քարտ, որով կարելի է նստել ցանկացած ուղղությամբ գնացող երթուղային տաքսի կամ այլ տրանսպորտային միջոց»,- ասաց նախարարը:
Մարտիրոսյանի խոսքով` նախարարության դիրքորոշումն է, որ լավ տրանսպորտային համակարգ ունենանք: Նախարարն անդրադարձավ նաեւ տաքսիներին եւ նշեց, որ վերջերս նախարարության կողմից նրանց նկատմամբ եղավ խիստ վերահսկողություն եւ հանրության կողմից այն լավ ընկալվեց, սակայն տաքսու վարորդների կողմից ոչ այդքան:
«Այսօր տաքսի ծառայությունն այն բավարար մակարդակին չի, որը կուզենայինք տեսնել: Խոսքը վերաբերում է մեքենաների եւ վարորդների որակին: Մենք նորից շարունակական քայլեր ենք անելու, որ բոլորն աշխատեն նախեւառաջ հավասար պայմաններում եւ օրենքի գերակայությամբ»,- հավելեց Մարտիրոսյանը:
1
2
3
4
5
1
2
3
4
5
2
4
5
