«Արդեն մի անգամ ես ու ամուսինս թողել ենք մեր ձագուկին տատիկ-պապիկի խնամքին ու երկրից դուրս եկել». Լարա Առաքելյան
Life
Հաղորդավար Լարա Առաքելյանն ինստագրամյան «Չեմ ամաչում խոստովանել» թրենդի շրջանակներում իր մասին մի քանի բացահայտումներ է արել:
«Ես 6 ամիս է մամա եմ և չեմ ամաչում խոստովանել, որ արդեն մի անգամ մի շաբաթով ես ու ամուսինս թողել ենք մեր ձագուկին տատիկ-պապիկի խնամքին ու երկրից դուրս եկել:
Հիմա սա թեթևությամբ ու ժպիտով եմ գրում, բայց բաժանումը ահավոր էր, երազներ էի տեսնում, իբրև Էդնան արդեն խոսել գիտի ու չի ընդունում մեզ։ Իրականությունն էլ քիչ էր տարբերվում, մի ամբողջ օր մոտս չեկավ, լացեց ու մոտ չթողեց:
Ափսոսու՞մ եմ։ Միանշանակ չէ։ Երկուսս էլ պիտի ամուր լինենք բոլոր առումներով, իսկ կարճատև բաժանումը կոփվելու լավ մեթոդ է։
Ես առաջին իսկ պահից ինձ մամա չեմ զգացել։ Էմոցիոնալ կապ պստոյիս հետ առաջին օրից չէ, որ ունեցել եմ:
Կարծում եմ՝ շատ մամաներ են ապրել սա, բայց չեն խոստովանում՝ վախենալով մարդկանց արձագանքից։ Իմ օրինակով, առաջին 3 ամիսը, երբ երեխան անգամ աչքերիս մեջ չէր նայում, բնականաբար չէր արձագանքում որևէ էմոցիայի, իմ գործողությունները մեխանիկական էին զուտ։ Իհարկե, ես կյանքս կտայի Էդնայի համար, բայց դա այն կապը չէր, որ առաջացավ, երբ նա սկսեց ճանաչել ինձ»,- անկեղծացել է նա:
1
2
3
4
5
1
2
3
4
5
1
2
3
4
5
