Արցախը բռնազավթված է, Արցախի մասին հիշողությունն անգամ սիստեմատիկորեն ջնջվում է. Դավիթ Սարգսյան

-Արցախը բռնազավթված է, Արցախի մասին հիշողությունն անգամ սիստեմատիկորեն ջնջվում է.

-Հայաստանից բռնազավթված տարածքները ճանաչվում են թշնամունը, մեզ պետք չեն.

-Քննիչները մեղադրանքները կարում, դատախազները` հաստատում, իսկ դատավորները կալանք են տալիս պարագլխի սոցցանցային գրառումներով.

-Ով պարագլխի մասին վատը խոսի` սփյուռքահայ, թե օտարերկրացի, Հայաստան մուտքն արգելված է.

-Անձնական պաշտպանության գվարդիայի վերածված ոստիկանական զորքեր, որոնց միակ գործառույթն ընտանեկան զույգի անվտանգությունն ու անդորրն ապահովելն է.

-Հարձակում եկեղեցու և Վեհափառի դեմ, հոգևորականների ձերբակալություններ` Ստամբուլի մզկիթում պարագլխի` ոտաբոբիկ և հմայված քայլելու ֆոնին.

-Տեղեկատվական ահաբեկչության ամենակուլ մեքենա, հազարավոր կեղծ քարոզիչներ, պլաստիկ փորձագետներ, Հ1-յան գրչակներ, ֆեյքային ֆաբրիկաներ.

-Ամենշաբաթյա կոռուպցիոն սկանդալներ, գերհարստացած ՔՊ-ական ուսապարկեր, անշարժ գույքի ու բիզնեսների նորահայտ իշխանական տիրակալներ.

-Զրո դաշնակից, բազմաթիվ չկամներ ու թշնամիներ, Հայաստանի մասին հեգնական գլխագրեր միջազգային մամուլում.

-Երևանի և Բաքվի բանտերում ապօրինաբար ազատազրկված հայ բարերարներ, գեներալներ, նախկին նախագահներ և պետական պաշտոնյաներ.

-Բարձր քրեածին ֆոն, ամենօրյա կրակոցներ, դանակահարություններ, թմրամոլության ու խաղամոլության սարսափելի ծավալներ.

-Բանակին պարտադրվող զինաթափման լոգոտիպներ, խաղաղասիրական արշավներ, սահմանին չկրակելու և չդիմադրելու, կրակողին էլ` պատժելու կոչեր, այդ ամենի հետ հաշտ-համերաշխ սպայակույտ.

-Գույքահարկի, շրջանառության հարկի, աղբի վարձի, տրանսպորտի, այլ հարկատեսակների ու տուրքերի բազմակի թանկացումներ.

-Զրո քաղպաշտպանության պլան, ոչ մի ապաստարան, ոչ մի վարժանք ու պատրաստություն.

-Հանրային առողջապահության զրոյական միջավայր, աղմուկի, փոշու, խցանումների, կառուցապատման և ծառահատման աղետալի ցուցանիշներ.

-Տապալված տեղական ինքնակառավարում, Նոյեմբերյանից մինչև Մեղրի` ընտրություններում պարտված, բայց համայնքապետի և ավագանու անդամների գողացված պաշտոններ.

-Դպրոցներում և բուհերում աղճատված հայագիտական առարկաներ, խմբագրված դասագրքեր, պատվո անկյունների լուռ դեմոնտաժ.

-Խոշոր ներդրողներից խլված ու պետականացման անվան տակ` մեջ-մեջ արված, իրենց գերշահույթներ բերած բիզնեսներ...

Այս ցանկն անվերջ շարունակելի է...