Ինչ տվեց Եվրոպայի հետ առանց վիզայի ռեժիմը Վրաստանին
Աշխարհ
Վրաստանի քաղաքացիների համար վիզային ռեժիմի վերացման մասին Եվրախորհրդի որոշումից հետո վերջին երկու ամիսներին մի քանի անգամ աճել է Վրաստանից եվրոպական երկրներ մեկնողների թիվը։ Այս մասին Lragir.am-ին ասաց Թբիլիսիի Բազմազգ Վրաստան կազմակերպության ղեկավար Առնոլդ Ստեփանյանը։
Նա նշեց, որ էապես ավելացել է ինչպես բիզնես, այնպես էլ հանգստի նպատակով եվրոպական երկրներ մեկնող Վրաստանի քաղաքացիների թիվը։
Վիզային ռեժիմի վերացմանը զուգահեռ, Առնոլդ Ստեփանյանի խոսքով, կտրուկ նվազել են եվրոպական ուղղությամբ ավիատոմսերի գները։
«Այսօր արդեն Վրաստանից դեպի Բեռլին և հակառակ ուղղությամբ ավիատոմս կարելի է գնել 62 դոլարով։ էժանացումը վերաբերում է նաև մյուս ուղղություններին։ Իսկ 62 եվրոյով Եվրոպա գնալ ու գալ իրենց կարող են թույլ տալ շատ վրաստանցիներ»,- ասաց նա։
Սա հանգեցրել է նրան, որ վրացական ավիաշուկա մուտք են գործում էժան ծառայություններ մատուցող ավիաընկերություններ։
Առնոլդ Ստեփանյանի խոսքով` փաստացի Հայաստանը հետ է մնում այս զարգացումներից, քանի որ հրաժարվեց Եվրոպայի հետ ասոցացումից։
Վրաստանում ավիատոմսերի էժանացումը, նրա կանխատեսումներով, առաջիկայում կարող է բերել նրան, որ եվրոպական երկրներ մեկնելու համար վիզա ստացած ՀՀ քաղաքացիները կարող են զանգվածաբար Վրաստանից մեկնել Եվրոպա։
1
2
3
4
5
1
2
4
5
1
2
3
4
5
