Շչեսնին անդրադարձել է Յամալի և Նեյմարի համեմատություններին
Սպորտ
Վոյցեխ Շչեսնին անդրադարձել է Լամին Յամալի և Նեյմարի համեմատություններին:
«Ես հավատում եմ, որ յուրաքանչյուրն ունի իր ճանապարհը, և այսօրվա դրությամբ Լամին Յամալի պահվածքում ոչ մի «կարմիր դրոշ» չեմ տեսնում: Կարծում եմ՝ նրա վերաբերմունքը ֆուտբոլին և կյանքին նրան դարձնում է այն խաղացողը, ինչպիսին նա այսօր է: Դա նման է խառնվածքին՝ այն հնարավոր չէ փոխել:
Կգտնվեն մարդիկ, ովքեր կասեն, օրինակ, որ Նեյմարը կարող էր շատ ավելիին հասնել ֆուտբոլում, եթե այլ վերաբերմունք ունենար: Բայց եթե Նեյմարը այլ վերաբերմունք ունենար ֆուտբոլի և կյանքի հանդեպ, նա չէր լինի այն Նեյմարը, ով շոու է անում դաշտում:
Կարծում եմ՝ նման մարդկանց վրա պետք չէ չափազանց մեծ ճնշում գործադրել: Ընդհակառակը, պետք է զգոն լինել և թույլ տալ, որ նրանք վայելեն ֆուտբոլը: Նրանց ուրախությունը վարակիչ է՝ ոչ միայն թիմակիցների, այլև միլիոնավոր մարդկանց համար ամբողջ աշխարհում, ովքեր հենց նոր են սիրահարվում ֆուտբոլին:
Կարծում եմ՝ սա ավելի շատ Յամալի շրջապատի, քան նրա անձնական խնդիրն է: Տղան ընդամենը 17 տարեկան է. նա իրավունք ունի, նույնիսկ պարտավոր է երիտասարդական սխալներ թույլ տալ: Կարևոր է, որ այդ սխալները լուրջ հետևանքներ չունենան: Նրա շրջապատն, անկասկած, կարևոր դեր է խաղալու այդ գործում», – ասել է «Բարսելոնայի» դարպասապահը Foot Truck ալիքի եթերում:
1
2
3
4
5
2
3
4
5
3
