Ամերիկան համաձայն չէ Ռուսաստանի եւ Թուրքիայի պահանջներին

Ուկրաինայի նախագահ Պյոտր Պորոշենկոն հայտարարել է, որ իր երկիրը վերջնականապես ձեւակերպել է Ռուսաստանից ապահարզանը՝ Եվրամիությունից անվիզա ռեժիմ ստանալով: «Ես կասեի, որ այսօր Ուկրաինան վերջնականապես ձեւակերպել է իր ապահարզանը Ռուսական կայսրությունից, եւ հենց այսպես փիլիսոփայորեն պետք է ընկալենք դա», - ասել է Պորոշենկոն: Նա նշել է, որ խոսքը «ոչ միայն ու ոչ այնքան սահմանի անվիզա հատման, որքան եվրոպական երկրների ընտանիքում իր պատմական տեղին Ուկրաինայի վերադարձի մասին է»:
Վերջերս գրեթե նույն բանն էր հայտարարել Վրաստանի ղեկավարությունը, որը նույնպես անվիզա ռեժիմ է ստացել ԵՄ-ից:
Օրերս Վրաստանի վարչապետն ու Ուկրաինայի արտաքին գործերի նախարարը Վաշինգտոնում էին, որտեղ նրանց ընդունել է ԱՄՆ նախագահ Դոնալդ Թրամփը: Այս երկրների համար ընդունելության նման մակարդակը նշանակում է, որ ԱՄՆ-ն Վրաստանի եւ Ուկրաինայի կողմնորոշմանը հատուկ նշանակություն է տալիս: Դատելով Պորոշենկոյի խոսքից՝ Թրամփը «հաստատել է» ռուսական կայսրությունից երկու երկրների ապահարզանը՝ Եվրամիությունը նրանց անվիզա ռեժիմ է տվել, իսկ ԱՄՆ-ն երաշխավորել է տարածքային ամբողջականությունն ու խոստացել օգնել անվտանգության հարցում:

շարունակությունն՝ այստեղ