Վաշինգտոնյան հանդիպումը լուրջ մտահոգություններ է առաջացրել
Քաղաքականություն
Պաշտոնական Երևանը հաստատեց Վաշինգտոնում սպասվող Փաշինյան-Ալիև-Թրամփ հանդիպման լուրը։ Ավելին, Փաշինյանը երեկ, բավականին ներկայանալի պատվիրակությամբ, մեկնել է Միացյալ Նահանգներ։ Միջազգային լրատվամիջոցների տեղեկություններով՝ հանդիպումները արդեն կայանալու են ուրբաթ օրը։ Նախագահ Թրամփը նախ կհանդիպի Նիկոլ Փաշինյանին, 50 րոպե անց՝ Ադրբեջանի նախագահին, ապա երեքով հանդես կգան մամուլի համար։
Թե մինչ այդ ինչ է անելու Փաշինյանը Վաշինգտոն հասնելուց հետո՝ հայտնի չէ, կառավարության աշխատակազմը չի հաստատում, բայց թե՛ միջազգային, թե՛ հայկական լրատվամիջոցներում տարածվող տեղեկությունները մտահոգությունների լուրջ տեղիք են տալիս։
Ըստ ամենայնի՝ Փաշինյանին հարկադրելու են ոչ թե խաղաղության պայմանագիր, այլ ինչ-որ շրջանակային փաստաթուղթ ստորագրել։ Բացի այդ, նախագահ Թրամփը փորձելու է առաջ մղել Հայաստանի տարածքում ամերիկյան մասնավոր պահնորդական ծառայություն տեղակայելու իր նախագիծը։ Ադրբեջանը որևէ փոխադարձության սկզբունք չի պահպանելու, փոխարենը Ալիևը հասնելու է իր ցանկալի զարգացմանը, այն է՝ ադրբեջանական կողմն իր բեռներն ուղարկելուց հետո հայկական մաքսային ծառայության աշխատակիցների չի հանդիպելու։ Իսկ Մեղրի ճանապարհից ստացվող եկամտի միայն փոքր հատվածն է մնալու Հայաստանի Հանրապետությանը՝ մոտավորապես 30 տոկոսի չափով։
ԱՄՆ նախագահի միակ ցանկությունը այս ամենում Նոբելյան մրցանակ ստանալն է։ Ասում են՝ նույնիսկ Փաշինյանին ու Ալիևին պարտադրելու են համատեղ դիմել Նոբելյան հանձնաժողովին՝ Դոնալդ Թրամփի համար վաղուց ցանկալի մրցանակը կազմակերպելու առաջարկով։
Բնականաբար՝ բոլոր այս զարգացումները արժանանալու են թե՛ Ռուսաստանի, թե՛ Իրանի հակազդեցությանը։ Բայց Փաշինյանին ամենևին չի հուզում, որ Հայաստանի Հանրապետությունը ծանրագույն խնդիրների է բախվելու. նա ամեն գնով ցանկանում է հասնել իր խաղաղության օրակարգին՝ վտանգելով ՀՀ գոյությունը։
Անի Ասլանյան
1
2
3
4
5
2
3
4
5
1
3
4
5
