Չեխիայում որսացել են ռեկորդային երկարությամբ լոքո
Ամենաընթերցված
Չեխիայում որսացել են գրեթե 3 մետր երկարությամբ ռեկորդային լոքո ձուկ: Պրահայի մոտ գտնվող Վրանովի ջրամբարում պրոֆեսիոնալ ձկնորս Յակուբ Վագները որսացել է 2 մետր 68 սանտիմետր երկարությամբ հսկա լոքո, որը Չեխիայի համար նոր ռեկորդ է գրում է Bild-ը։
«Դա չորս սանտիմետրով ավելի երկար է, քան անցյալ տարի որսացածս», - ասել է 43-ամյա Վագները։
Ձկնորսի խոսքով՝ ձուկը որսացել է վաղ առավոտյան, երբ լուսաբացի մթնշաղին իր փչովի նավակի մոտ նկատել է «ինչ-որ մութ ու հսկայական բան»։
«Վստահ եմ, որ սա Եվրոպայում տեսած ամենամեծ լոքոներից մեկն է։ Հսկայի հետ մենամարտը տևել է գրեթե մեկ ժամ. ես հազիվ էի կարողանում բռնել ձողը։ Սովորաբար ես դա անում եմ 20 րոպեում, բայց կես ժամ անց ես նույնիսկ չէի կարողանում տեսնել լոքոյին։ Այն ոչ միայն երկար էր, այլև հրեշավորորեն մեծ», - նշել է Վագները։
Չափումներից հետո ռեկորդային լոքոն նորից բաց է թողնվել ջուրը։ Վագները ընդգծում է, որ ինքը երբեք չի սպանում իր որսած ձկներին։
1
2
3
4
5
1
2
3
4
5
1
2
3
4
5
