Բեկում. Հայաստանի կիսատ թողածն անում է Վրաստանը

ԼՐԱԳԻՐ / Մայիսի 15-ին երկու ուշագրավ տեղեկություն է տարածվել վրաց-չինական տնտեսական գործակցության մասին: Պեկինում տեղի ունեցող տնտեսական միջազգային խոշոր համաժողովի շրջանակում ստորագրվել է համաձայնագիր Վրաստանի եւ Չինաստանի միջեւ ազատ առեւտրի վերաբերյալ, ըստ որի վրացական ապրանքների 94 տոկոսը, այդ թվում գինին, առանց մաքսատուրքի կհայտնվեն չինական շուկայում: Մյուս տեղեկությունը վերաբերում է Չինաստանի վրացական ներդրմանը, որով ստեղծվում է 1 միլիարդ հիմնադիր եւ 300 միլիոն դոլարի կուտակային կապիտալ ունեցող զարգացման բանկ:
Վրաստանի եւ Չինաստանի տնտեսական գործակցությունն ունի տարիների պատմություն: Վարդերի հեղափոխությունից հետո Չինաստանը տարիներ շարունակ ներդրումներ է կատարում Վրաստանում, եւ այդ իմաստով տպավորություն է, որ Պեկինը Թբիլիսիի միջոցով է փորձում սպասարկել իր հետաքրքրությունը Հարավային Կովկասում:
Հետաքրքիր է, որ Վրաստանի ու Չինաստանի միջեւ ազատ առեւտրի մասին համաձայնագիրը ստորագրվում է ամերիկա-չինական եւ վրաց-ամերիկյան բարձր մակարդակի շփումներից կարճ ժամանակ անց: Մի քանի շաբաթ առաջ Վաշինգտոնում հանդիպեցին ԱՄՆ նոր նախագահ Թրամփը եւ Չինաստանի նախագահ Ծին Պինը: Այդ հանդիպումից հետո կողմերը խոսեցին դրական քննարկումների մասին: Օրերս էլ Վաշինգտոն էր այցելել Վրաստանի վարչապետը, ով հանդիպում ունեցավ ԱՄՆ նախագահի հետ եւ հրավիրեց նրան Վրաստան:

շարունակությունը՝ կայքում