Սոչիի Ռոբսոնը չփրկվեց ձերբակալումից
Հասարակություն
«Փաստ» օրաթերթը գրում է.
Երկու օր առաջ Չեխիայի ՆԳՆ Կազմակերպված հանցավորության դեմ պայքարի վարչության աշխատակիցները կանխել են գողական «սխոդկան», որի ժամանակ, ըստ օպերատիվ տեղեկությունների, պետք է կայանար նոր «օրենքով գողերի» թագադրում: Կալանավորվածները գտնվում են ժամանակավոր պահման մեկուսարանում:
Ինչպես հայտնել է «PrimeCrime»–ը, կալանավորվածների մեջ կա երեք «օրենքով գող»` 58–ամյա Գայոզ Զվիադաձեն, ով առավել հայտնի է Գիա Քութայիսցի անունով, նրա ընկեր, 43–ամյա Գելա Կարդավան, նույն ինքը` Օլեգ Գոլոմբը, ինչպես նաև 42–ամյա Դմիտրի Զաբրոդինը:
Կալանավորման պատճառը եղել է այն, որ Օլեգ Գոլոմբի անունով Կարդավայի անձնագիրը կասկածանք է հարուցել չեխ իրավապահների մոտ: Եթե իրավապահների կասկածներն արդարանան, ապա կեղծ փաստաթղթեր օգտագործելու համար Գելան կկրի իր առաջին իրական պատիժը:
Նշվում է, որ կասեցված «սխոդկայի» ֆինանսական կազմակերպիչը եղել է «սոչինցի հեղինակություն», գործարար Ռուբեն Թաթուլյանը, նույն ինքը` Ռոբսոնը, ում նույնպես կալանավորել են: Այն դեպքում, երբ գործող հիմնական անձինք Չեխիայի տարածք են ժամանել օտար անուններով, Թաթուլյանն օգտագործել է իր հայկական դիվանագիտական անձնագիրը:
«PrimeCrime»–ը հայտնում է, որ Դեդ Հասանի կողմից նշանակված Սոչիի նախկին «նայող» Ռոբսոնը փորձում է ամեն կերպ ձերբազատվել իր քրեական կապերից և իր համար ստեղծել «պարկեշտ» մարդու համբավ:
1
2
3
4
5
1
3
4
5
1
3
4
