ՀայաՔվեի պայքարը հանուն թոշակառուների ոչ միայն քաղաքական խոստում է, այլ անձնական նվիրում և անշեղ համոզմունք. Հրայր Կամենդատյան
Blog
Այսօր Հայաքվե ազգային քաղաքացիական միավորման վարչության անդամ Հրայր Կամենդատյանը և պարոն Արեգ Սավգուլյանը այցելեցին Գյումրի։
Այցի ընթացքում տեղի ունեցավ դասախոսություն՝ «ՀՀ տնտեսության արդի մարտահրավերները» թեմայով, որին հաջորդեց մտքերի աշխույժ փոխանակում։
Հատկանշական էր ներկաների միաձայն արձագանքը․ նրանք լիովին հավանություն տվեցին կենսաթոշակների առնվազն 50% բարձրացման գաղափարին՝ որպես ամենաարդարացի քայլ մեր մեծերի հանդեպ։
Այս քննարկումն ու աջակցությունը ևս մեկ անգամ ապացուցեց, որ Հայաքվեի պայքարը հանուն թոշակառուների ոչ միայն քաղաքական խոստում է, այլ անձնական նվիրում և անշեղ համոզմունք․
Մեր երկրում աշխատավոր սերունդները, որոնք կյանքի տասնյակ տարիներ նվիրել են Հայաստանի առաջընթացին, արժանի են արժանապատիվ թոշակի։
Հրայր Կամենդատյանը դեռևս սկզբից հստակ ընդգծել է, որ թոշակների բարձրացումը պետք է լինի ոչ թե փոքր քայլերով, այլ հիմնարար փոփոխությամբ՝ առնվազն 50%, որպեսզի տարեցները կարողանան ապրել ոչ թե գոյատևելով, այլ արժանապատիվ կյանքով։
Հայաքվեի աշխատանքները շարունակվում են՝ մեր մեծերի, մեր աշխատավորների և մեր ժողովրդի սոցիալական արդարության համար։
1
2
3
4
5
1
3
4
5
3
