Դիվանագիտական սկանդալ է հասունանում
Աշխարհ
Հարավային Կովկասում Եվրամիության հատուկ ներկայացուցիչ Հերբերտ Զալբերը ուրբաթ կժամանի Թբիլիսի, որտեղ սպասում են նրա մեկնաբանություններին՝ Ցխինվալում արված հայտարարության կապակցությամբ: Այս մասին Rustavi2 հեռուստաընկերության եթերում հայտարարել է ԵՄ-ում Վրաստանի դեսպան Նատալիա Սաբանաձեն:
Հիշեցնենք, որ Վրաստանի իշխանությունների վերահսկողության տակ չգտնվող Ցխինվալի շրջան (Հարավային Օսիա) կատարած այցի ընթացքում Զալբերը շնորհավորել է Անատոլի Բիբիլովին նախագահական ընտրություններում հաղթանակի կապակցությամբ, որն անցկացվել է ապրիլին: Այցի տեսաձայնագրությունը ցուցադրվել է վրացական հեռուստաալիքներով: Դրանից հետո նա այցելել է նաև Աբխազիա:
«Նա հանդիպումներ կունենք արտգործնախարարությունում: Լավ պահ է, որպեսզի հենց ինքը մեկնաբանի այդ հարցը»,-ասել է Սաբանաձեն:
Միևնույն ժամանակ նա ընդգծել է, որ Եվրամիությունը չի ճանաչում ընտրությունները, որոնք անցկացվել են Հարավային Օսիայում և աջակցում է Վրաստանի տարածքային ամբողջականությանը:
Ավելի վաղ Վրաստանում Եվրամիության ներկայացուցչության ղեկավար Յանոշ Հերմանին կանչել էին ԱԳՆ, որտեղ նա նշել էր, որ Զալբերն ինքը պետք է մեկնաբանի իր խոսքերը:
1
2
3
4
5
1
2
4
5
1
2
3
4
5
