Միհրան Պողոսյանի սենսացիոն առաջարկը
Տնտեսություն
ԴԱՀԿ նախկին պետ, ԱԺ նորընտիր պատգամավոր Միհրան Պողոսյանը որոշել է խորհրդարանում զբաղվել բանկերի գործունեությունից տուժող քաղաքացիների պաշտպանությամբ:
ԱԺ հանձնաժողովների նախագահների թեկնածուների հարցի քննարկման ժամանակ Միհրան Պողոսյանը հարցեր ուղղեց ֆինանսավարկային և բյուջետային հարցերի մշտական հանձնաժոողովի նախագահի թեկնածու Գագիկ Մինասյանին:
“ԴԱՀԿ բավական մեծ ծավալի գործերը վերաբերում են բանկերի և վարկային կազմակերպությունների պահանջներին: Խոսքը վերաբերում է այն գործընթացին, որը մենք ունենք բանկերում ու վարկային կազմակերպություններում, բավական լուրջ խնդիր եմ ես տեսնում այստեղ: Առաջին հարցս հետևյալն է՝ բանկերին և վարկային կազմակերպություններին թույլատրվող մաքսիմալ տոկոսադրույքների, այսինքն՝ տրվող վարկերի մաքսիմալ տոկոսադրույքի իջեցում”, ասաց Միհրան Պողոսյանը:
Նա նշեց, որ քաղաքացիներին շփոթության մեջ է դնում վարկերի տրամադրման ժամանակ հավելյալ ծախսերի մատուցումը: Քաղաքացուն մատուցվող ծառայությունների դիմաց բանկերը գանձում են լրացուցիչ գումարներ, և վարկերի փաստացի տոկոսադրույքը բարձրանում է:
“Նաև դրանով է պայմանավորվում այն, որ ժամկետանց վարկերը չվճարելու պատճառով լինում են շատ խնդիրներ: Ես իմ պրակտիկ փորձից եմ ասում, որ 200-300 տոկոսով ավելանում է տրամադրված վարկի էն չափը, ինչ որ նախօրոք եղել է”,- ասաց նա:
Գագիկ Մինասյանն ի պատասխան ասաց, որ չափազանց մեծ ակնկալիքներ չպետք է ունենալ այս հարցում, որովհետև այս հարաբերությունները պետք է շուկայական չափորոշիչներով կարգավորվեն: “Դրական տեղաշարժ չի լինի, առանց ոլորտում մրցակցության բարձրացման”,- նշեց Մինասյանը:
Միհրան Պողոսյանը պնդեց, որ բնակչության զգալի մասն այդ խնդիրներն ունի, ինքն առաջարկում է վերանայել մոտեցումները և օրենսդրական զսպաշապիկ կիրառել բանկերի գործունեության հարցում:
“Որոշակի իրավունքները, որոնք բանկերն էսօր ունեն, իմ կարծիքով, պետք է վերանայել, որովհետև պայմանագրերում կան շատ անհեթեթ կետեր, որոնք բանկերը թելադրում են և որոնք պետք է էլի զսպել”,- ասաց Պողոսյանը:
1
2
3
4
5
2
3
4
5
3
