Սերժ Սարգսյանը դարձավ ընդդիմություն

Լրագիր / Նոր խորհրդարանի առաջին նիստում Սերժ Սարգսյանի ելույթը, հատկապես դրա այսպես ասած տնտեսական մասը, հանրային տարբեր շրջանակներում դարձել է քննարկման առարկա: Ակնառու է նաեւ, որ ելույթի այդ «պոստուլատները» հայտնվել են իշխանական քարոզչության առաջնագծում:
Իսկ դրանք առնչվում են մինչեւ 2040 թվականը տնտեսական ցուցանիշներին: Մասնավորապես, Սերժ Սարգսյանը հայտարարել է, թե նախատեսվում է առաջիկա 23 տարիներին քառապատկել-հնգապատկել Հայաստանի ՀՆԱ-ն եւ հասցնել մինչեւ 55-60 միլիարդ դոլարի, նաեւ մեկ շնչին բաժին ընկնող հաշվարկով մոտ 3 հազար դոլարից հասցնել ավելի քան 15 հազար դոլարի: Սերժ Սարգսյանը հայտարարել է նաեւ, թե արտահանումը պետք է լինի առնվազն 40 տոկոսը (երեւի սահմանը մինչեւ 2040 թվականն է, դրա համար, եթե մինչեւ 2050-ը լիներ, ապա կհայտարարվեր 50 տոկոսի մասին): Սարգսյանը հայտարարել էր նաեւ արտագաղթը դադարեցնելու եւ նույնիսկ հեռացածներին վերադարձնելու մասին, որ Հայաստանի բնակչությունը մինչեւ 2040 թվականը հասնի 4 միլիոնի (կրկին հետաքրքիր է 4-ի կոմբինացիան):
Իրապես ողջունելի նպատակներ ու թիրախներ են, թեեւ իհարկե պարզ չէ, թե ինչ հաշվարկով եւ ինչպես: Օրինակ, երբ Հայաստանում որեւէ ընդդիմադիր ուժ կամ խումբ է ներկայացնում այդօրինակ ցուցանիշներ, թվեր ու նպատակներ, նախընտրական խոստումներ, իշխանությունն ու դրա քարոզչական սեգմենտը անմիջապես հակադարձում է համառ հարցապնդումներով՝ թե այդ ի՞նչ հաշվարկների վրա են հանրությանը մատուցվում այդպիսի թվեր, այդպիսի նպատակներ, տրվում խոստումներ եւ այլն:

շարունակությունը՝ կայքում