Բացառիկ տեսանյութը ֆիքսել է Մանչեսթերում համերգի ժամանակ տեղի ունեցած պայթյունի պահը (տեսանյութ)
ԱշխարհՄեծ Բրիտանիայի «Մանչեսթեր Արենա» մարզահամերգային համալիրում հեռախոսով արված տեսանյութը ֆիքսել է մայիսի 22-ի երեկոյան տեղի ունեցած պայթյունի պահը: Տեասնյութը հրապարակել է The Guardian-ը:
Պայթյունից հետո տեսանյութում կարելի է լսել՝ ինչպես է խուճապահար հանդիսատեսը հարցնում. «Ի՞նչ է կատարվում: Սա ի՞նչ էր: Ի՞նչ է կատարվում: Աստված իմ»:
Միևնույն ժամանակ, կարելի է տեսնել, թե ինչպես են մարդիկ խուճապահար փորձում դուրս գալ շենքից:
Հիշեցնենք, որ մայիսի 22-ի երեկոյան Մանչեսթերի մարզահամերգային համալիրում, որտեղ ընթացել է ամերիկյան երգչուհի Արիանա Գրանդեի համերգը, տեղի է ունեցել պայթյուն՝ խլելով 22 մարդու կյանք:
Հայտնի է, որ պայթյունը որոտացել է համերգի վերջում, ինչից հետո 21.000 մարդ տեղավորող մարզադաշտում խուճապ է սկսվել:
Ոստիկանությունը հետաքննում է տեղի ունեցածի հանգամանքները:
Միացյալ Թագավորության վարչապետ Թերեզա Մեյն իր ցավակցությունն է հայտնել երեկ երեկոյան Մանչեսթեր քաղաքի մարզադաշտում տեղի ունեցած պայթյունի հետևանքով զոհվածների հարազատներին՝ հավելելով, որ կատարվածը սարսափելի ահաբեկչական գործողություն է:
1
2
3
4
5
1
2
3
5
1
2
3
4
5
