Մոսկվան ճնշում է Բաքվին Ղարաբաղի հարցում

The Jamestown Foundation հետազոտական եւ վերլուծական կենտրոնը հրապարակել է ադրբեջանցի քաղաքագետ Ռահիմ Ռահիմովի հոդվածը, որում հեղինակն անդրադառնում է դատարանի որոշմամբ Ռուսաստանում ամենամեծ ադրբեջանական կառույցի՝ Համառուսաստանյան ադրբեջանական կոնգրեսի փակմանն ու նշում, որ Մոսկավան այդ քայլով ուղերձներ է փոխանցում Բաքվին: Ռահիմովն առաձնացրել է ուղերձների երկու հիմնական ուղղություն.

«2013-2014-ին Ռուսաստանը սպառնում էր, որ կարտաքսի աշխատանքային միգրանտներին, եւ այդ սպառնալիքն օգտագործում էր որպես ճնշման գործիք Ադրբեջանի դեմ: Այն ժամանակ Ադրբեջանը պատրաստվում էր նախագահական ընտրությունների եւ միաժամանակ բանակցում էր ԵՄ հետ Ասոցացման համաձայնագրի շուրջ: Բաքուն 2015-ին հրաժարվեց ստորագրել Ասոցացման համաձայնագիրը: Եվ հիմա նորից նույնն է կատարվում, երբ Կրեմլը ջանքեր է գործադրում ԵԱՏՄ-ն ընդլայնելու ուղղությամբ, իսկ Բաքուն 2018-ի նախագահական ընտրությունների նախաշեմին է եւ միայն վերջերս սկսել է ԵՄ հետ հարաբերությունների նոր փուլի բանակցությունները: Այնուամենայնիվ, Ադրբեջանի նախագահը հստակ հայտարարել է՝ Ադրբեջանը հետաքրքրված չէ որեւէ միության միանալու հարցում, նվազագույնը՝ հիմա:

Մոսկվայի ճնշումները նաեւ Ղարաբաղի շուրջ հայ-ադրբեջանական կոնֆլիկտի մասով են, քանի որ նոր լայնածավալ ռազմական գործողությունները կարող են Հյուսիսային Կովկասում էական հետեւանքներ ունենալ հենց Ռուսաստանի համար»: