ԱՄՆ ճեղքումը Հայաստանում

Միացյալ Նահանգների Միջազգային զարգացման գործակալությունը հայտարարել է Հայաստանում նոր ծրագրի մեկնարկի մասին, որի նպատակն է նպաստել Արարատյան դաշտում ջրային ռեսուրսների կառավարման էֆեկտիվությունը: ԱՄՆ ՄԶԳ-ն ծրագրում է այդ գործի համար ապահովել թե քաղաքացիական հանրության, թե տեղի բնակչության, թե ՏԻՄ մարմինների, թե Հայաստանի կառավարության ռեսուրսները:
Արարատյան դաշտի ջրային ռեսուրսները տարիներ շարունակ ենթարկվել են մսխման, գրեթե ցամաքեցման: Այդ գործում ներգրավված են Հայաստանի բարձրաստիճան պաշտոնյաներ եւ օլիգարխներ, որոնք ունեն ձկնաբուծարաններ եւ դրանց համար անխնա վատնել են ջրերը:
Մի քանի տարի առաջ խորհրդարանում բուռն քննարկումներ էին այդ կապակցությամբ, քանի որ նախատեսվում է ոռոգման նպատակով ավելացնել Սեւանի ջրի բացթողումը: Այդ քննարկման ընթացքում ընդդիմադիր պատգամավորները տալիս էին Հովիկ Աբրահամյանի, Գագիկ Ծառուկյանի, Սամվել Ալեքսանյանի անունները, որոնք Արարատյան դաշտում ունեն ձկնարդյունաբերական բիզնես եւ վատնել են Արարատյան դաշտի ջրային ռեսուրսը:
Այսինքն, խնդիրը միայն ջրային ռեսուրսի կառավարումը չէ, այլ նաեւ Հայաստանում իշխող համակարգի կառավարումը, որի մաս են անունները, որոնք տրվում են տարիներ շարունակ: Հուսալ, թե հնարավոր է այդ կապակցությամբ պետական համապատասխան կառույցների աշխատանք եւ բացահայտումներ, իրատեսական չէ: Ըստ այդմ, ԱՄն ՄԶԳ-ն որպես գործընկերային առաջարկ, որպես Հայաստանի նաեւ քաղաքական, կառավարման արդիականացման տեխնոլոգիա դիմում է այսպես ասած «շրջանցիկ» ճանապարհի, այսինքն հանրությանը ներկայացնում է նոր իրավիճակ ստեղծելու առաջարկ, երբ ջրային ռեսուրսի գողանալն ու մսխելը կլինի անհնար կամ անհամեմատ դժվար, քան ներկայում:

շարունակությունն՝ այստեղ