Իշխանությունները Գյումրիի վաղվա պատարագի մարդաշատությունն ապահովելու համար գործի են անցել
Քաղաքականություն
Մեր տեղեկություններով իշխանությունները պետական համակարգին պարտադրում են մասնակցել Գյումրիում նախատեսված վաղվա պատարագին։
Մեր աղբյուրների փոխանցմամբ՝ Գյումրիում նախատեսված վաղվա պատարագին ապահովված մարդաշատ ներկայություն ստեղծելու համար իշխանությունները սկսել են վարչական ճնշումների նոր ալիք։
Մանկապարտեզների և դպրոցների և պոլիկլինիկաների աշխատակիցներին տրվել է հրահանգ՝ պարտադիր ներկա գտնվել քաղաքի եկեղեցում սպասվող պատարագին։
Ըստ մեր տեղեկությունների՝ աշխատակիցներին զգուշացվել է, որ չներկայանալու դեպքում «ներկա բացակա» է արվելու։
Արդեն կազմվում են մասնակցության ցուցակներ։
Սա ոչ միայն պետական ռեսուրսի չարաշահում է, այլ նաև բացահայտ միջամտություն է մարդկանց հավատքի և անձնական ընտրության ազատությանը։ Ստեղծված իրավիճակը հիշեցնում է պարտադրանքի այն մեխանիզմները, որոնք իշխանությունները վերջին շրջանում ավելի հաճախ են կիրառում՝ հանրային միջոցառումներում «լեցուն դահլիճ» ապահովելու համար։
Գյումրիում սպասվող պատարագը իշխանության համար, ըստ երևույթին, դարձել է հերթական միջոցը՝ ցույց տալու հանրային աջակցություն, որն իրականում ապահովվում է վարչական լծակների և պարտադրանքի միջոցով։
1
2
3
4
5
1
2
3
4
1
2
3
4
