Լուիզա Ղամբարյանը հիվանդ է
Ամենաընթերցված
Դերասանուհի Լուիզա Ղամբարյանի անսպասելի հիվանդության պատճառով այսօր հետաձգվել է Սուրեն Շահվերդյանի «Սև դառը շոկոլադ» ներկայացումը: Ռեժիսորն այդ մասին գրառում է կատարել ֆեյսբուքյան իր էջում: «Հարգելի հանդիսատես, Լուիզա Ղամբարյանի անսպասելի ծանր հիվանդության պատճառով այսօրվա «Սև դառը SHOCKոլադ» ներկայացումը հետաձգվում է հունիսի 15-ին, ժամը 20:00-ին: Հայցում ենք ձեր ներողամտությունը»,- գրել է Շահվերդյանը:
Վերջինս «Առաջին լրատվական»-ի հետ զրույցում ասաց, որ Լուիզա Ղամբարյանը երկու օր առաջ է վերադարձել Միացյալ Նահանգներից, և նրա վիճակը անսպասելի վատացել է: «Հիմա չի կարողանում անկողնուց վեր կենալ, 40 աստիճան ջերմություն ունի, շատ ծանր վիճակում է: Դեռ պարզ չէ, թե ինչ է կատարվում, հիմա հետազոտություններ է անցնում»,- ասաց Շահվերդյանը:
Նրա խոսքով՝ իրենք ներկայացումը հետաձգել և նշանակել են հունիսի 15-ին՝ Լուիզա Ղամբարյանի ծննդյան օրը: «Լուիզան խոստացել է իր ծննդյան օրը լավ լինել և խաղալ ներկայացումը: Նա ասել է, որ անպայման ոտքի կկանգնի, և ինչ ուզում է լինի՝ կխաղա ներկայացումը»,- եզրափակեց Սուրեն Շահվերդյանը:
1
2
3
4
5
1
2
3
4
5
1
3
