Սենսացիոն լուր ԱՄՆ-ից

ԱՄՆ-ն այսօր տեղեկություն է տարածել, որը համաշխարհային ԶԼՄ-ները որակել են որպես սենսացիոն: Փորձարկվել է Հակահրթիռային պաշտպանության նոր համակարգը, որը պետք է որսա միջմայրցամաքային հրթիռները:
Կալիֆոռնիայի ռազմաօդային բազայից արձակված հրթիռը խոցել է պայմանական հակառակորդի բալիստիկ հրթիռը, որն արձակվել է Մարշալյան կղզիներից:
Հակահրթիռային պաշտպանության գործակալությունից փոխադմիրալ Ջիմ Սայրինգը հայտարարել է, որ այդ համակարգը կենսական կարեւորություն ունի երկրի պաշտպանության համար, եւ փորձարկումը ցույց է տվել, որ «մենք ունենք զսպման մարտունակ եւ հուսալի միջոց»:
Փորձագետներն այս համակարգի փորձարկումը համարում են նոր դարաշրջանի սկիզբը, քանի որ տերությունն այդպիսին է համարվում ոչ միայն հարձակողական սպառազինության, այլեւ հուսալի պաշտպանական համակարգի առկայությամբ: Ընդ որում, պաշտպանական համակարգերը պետք է գերազանցեն հակառակորդի հարձակողական զենքը:
Եթե ԱՄՆ-ն ստեղծի Հակահրթիռային հուսալի հովանոցը, որը կպաշտպանի գոյություն ունեցող սպառազինությունից, կդառնա աշխարհի միակ գերտերությունը: