Մինսկի խումբը փորձում է փրկել դեմքը. նոր միտումներ Ղարաբաղի խնդրում

ԼՐԱԳՐԻ զրուցակիցն է քաղաքագետ Աղասի Ենոքյանը

Պարոն Ենոքյան, ԵԱՀԿ Մինսկի խմբի համանախագահները հունիսին կամ հուլիսի սկզբին կայցելեն տարածաշրջան: Ի՞նչ ակնկալել այդ այցից:

Ներկա ժամանակաշրջանում Մինսկի խումբը գործում է մեկ կարևորագույն առաքելությամբ՝ ղարաբաղյան հակամարտությունը պահել բանակցային շրջանակներում, կանխել ռազմական լուծման փորձերը: Կարծում եմ՝սպասվող տարածաշրջանային այցը հենց այդ նպատակն է հետապնդում: Ակնկալել, որ սիրիական ներկա զարգացումների շրջանում, տարածաշրջանի աճող միլիտարիզացիայի, Ռուսաստանի ագրեսիվ արտաքին քաղաքականության և ամերիկյան անորոշ մտադրությունների պայմաններում հիմա հնարավոր են ինչ-որ լուծումների վերաբերյալ պայմանավորվածություններ, կարծում եմ միամտություն կլինի: Ղարաբաղյան հակամարտությունը հաճախ է օգտագործվել Մինսկի խմբի համանախագահ երկրների, մանավանդ՝ Ռուսաստանի կողմից, աշխարհի այլ վայրերում ունեցած քաղաքական կորուստները կոմպենսացնելու, կամ այլ պրոցեսներում ճնշումներն ավելացնելու նպատակով, և իրատեսական չէ մտածելը, թե այս թեժ պահին լուծումներ կունենանք:

ԵԱՀԿ Մինսկի խմբի ռուս համանախագահ Իգոր Պապովը հայտարարել է, որ իրենք կարողացել են պայմանավորվածություն ձեռք բերել Երևանի և Բաքվի հետ միջազգային դիտորդների թիվը 6-7 մարդով ավելացնելու հարցում, թեև դետալների շուրջ տարաձայնությունները պահպանվում են, որոնց թվում են դիտորդների տեղակայման վայրը, ֆինանսավորման կարգը և այլն։ Որքանո՞վ է հնարավոր, որ սա կյանքի կոչվի և դա ի՞նչ կտա։

Սա Մինսկի խմբի հեղինակությունը բարձրացնելու, դեմքը փրկելու փորձ է: Անցած տարվա արյունալի պատերազմից հետո Միսնկի խումբը կարողացավ ընդամենը համաձայնություն ձեռք բերել վստահության ամրապնդման շատ թույլ մեխանիզմների վերաբերյալ, որոնք ավելի քան մեկ տարի է, ինչ չեն կարողանում իրագործել: Այն, որ այս պայմանվորվածություններում որևէ առաջընթաց չկա, վնասում է Մինսկի խմբի հեղինակությանը: Հիմա այդ թույլ մեխանիզմների մի շատ փոքր մասը եթե անգամ իրականություն էլ դառնա, էական ազդեցություն չի ունենա հակամարտության վրա, պարզապես այդ քայլը ցույց կտա, որ Միսնկի խումբը գործունակ է, ինչ-որ քայլեր դեռ կարող է անել: Մյուս կողմից, այն, որ այս մասին հիշեցնում է ռուս համանախագահը և միաժամանակ որևէ պատճառ չկա, որ ինչ-որ պայմանավորվածություններ հիմա կատարվեն, կասկած է հարուցում, որ Ռուսաստանը ուզում է հիշնել այն մասին, որ Մինսկի խումբը ոչինչ չի կարողանում անել:

շարունակությունը՝ կայքում