Նոր ապտակ Ալիեւին

ՀԱՅԵԼԻ / Սխալ է զուգահեռներ անցկացնել արցախյան և կիպրոսյան հիմնախնդիրների միջև, օրերս Կիպրոսում պաշտոնական այցով գտնվող ՀՀ պաշտպանության նախարար Վիգեն Սարգսյանի հետ հանդիպմանը այսպիսի կարծիք է հայտնել այդ երկրի արտգործնախարար Իոաննիս Կասուլիդեսը։
«Ի տարբերություն Հյուսիսային Կիպրոսի, որը բռնազավթվել է Թուրքիայի կողմից, Արցախը հայերի պատմական տարածքն է, նրանք այնտեղ միշտ են եղել, պայքարել են իրենց անվտանգության համար և անկախություն հռչակել»,- ՀՀ պաշտպանության նախարարության պաշտոնական կայքը մեջբերում է Կասուլիդեսին։
Իոաննիս Կասուլիդեսը կարևորել է հայ համայնքի գործոնը, որը լիարժեք ինտեգրվել է Կիպրոսի հասարակական-քաղաքական կյանքին՝ միևնույն ժամանակ նաև պահպանելով իր ազգային ինքնությունը։ Կիպրոսի արտաքին գործերի նախարարի համոզմամբ՝ Վիգեն Սարգսյանի այցը կարող է հզոր ազդակ դառնալ հայ-կիպրական համագործակցության խորացման համար, մասնավորապես՝ պաշտպանական ոլորտում։

շարունակությունը՝ կայքում