Դատարանի նախագահը ձերբակալվե՞լ է

«Հրապարակ»-ի տեղեկություններով՝ քիչ առաջ ձերբակալվել է Գեղարքունիքի մարզի ընդհանուր իրավասության դատարանի նախագահ Աղվան Պետրոսյանը։ Փորձեցինք տեղեկությունը ճշտել ԱԱԾ-ից, սակայն մեզ փոխանցեցին, որ այս պահին ոչինչ չունեն հայտնելու, ավելի ուշ կտեղեկացնեն։ Գեղարքունիքի մարզի ընդհանուր իրավասության դատարանից տեղեկացանք, որ Աղվան Պողոսյանը այսօր չի գնացել աշխատանքի, թե ինչու՝ չգիտեն, սակայն վստահեցրին, որ նրան չեն ձերբակալել։ ՀՀ դատական դեպարտամենտի Արարողակարգի և հասարակայնության հետ կապերի վարչության պետ Արման Խաչատրյանը «Հրապարակին» հայտնել է, որ այս պահին տեղեկություն չունի, լուր ունենալու պես՝ կհայտնի։

Հիշեցնենք, որ ավելի վաղ ձերբակալել էին  Աղվան Պողոսյանի վարորդին՝ գումարային միջնորդության համար։ Եւ մինչ իրավապահները լռում են, մենք պարզեցին, որ դատարանի վարորդի դեմ հարուցված գործը կապված է տարիներ առաջ կալանավորված անչափահաս Գոռ Մանուկյանի հետ։ Գոռը վեճի ժամանակ դանակահարել էր մեկ այլ քաղաքացու և կալանավորվել։ Պատժի կրումից ազատելու համար նրա ծնողները ցանկացել էին գումարով ազատել որդուն, սակայն գործն ավարտին հասցնել չէին կարողացել։ Այս գործի շրջանակներում կալանավորվել է տղայի հայրը և Վարդենիսի պետական քոլեջի տնօրենի եղբայրը՝ Հայկ Կարապետյանը, ով փոխանցել է գումարը վարորդին։ Վարդենիսում շրջանառվող լուրերի համաձայն՝ որդու մորը ևս բերման էին ենթարկել, սակայն նա այժմ ազատության մեջ է։