ԱՄՆ նախագահը շատ լավ հարաբերություններ ունի թե՛ Ռուսաստանի, թե՛ Չինաստանի նախագահի հետ. Սպիտակ տուն
Քաղաքականություն
Կարծում եմ՝ նախագահը շատ բաց, ազնիվ և լավ հարաբերություններ ունի թե՛ Ռուսաստանի նախագահ Պուտինի, թե՛ Չինաստանի նախագահ Սիի հետ, հայտարարել է Սպիտակ տան խոսնակ Քերոլայն Լևիթը՝ պատասխանելով լրագրողի այն հարցին՝ արդյոք ռուսական լցանավի կալանավորման ֆոնին մտահոգություններ կան Ռուսաստանի հետ հարաբերությունների առումով։
«Ինչպես գիտեք, նա բազմիցս խոսել է նրանց հետ մոտ մեկ տարի առաջ պաշտոնը ստանձնելուց ի վեր, և կարծում եմ, որ այդ անձնական հարաբերությունները կշարունակվեն։ Սակայն ինչ վերաբերում է նախագահին և Միացյալ Նահանգներին, նա կհետևի այնպիսի քաղաքականության, որը կբխի Միացյալ Նահանգների շահերից։ Եվ այս նավերի առգրավումների հետ կապված, դա նշանակում է էմբարգո կիրառել բոլոր «ստվերային նավատորմի» նավերի նկատմամբ, որոնք անօրինական կերպով նավթ են տեղափոխում և թույլ են տալիս միայն օրինական առևտուր», - նշել է Լևիթը։
Հիշեցնենք, որ ավելի վաղ ամերիկյան զորքերը կալանավորել են նավթ տեղափոխող ռուսական «Մարիներ» լցանավը:
1
2
3
4
5
1
2
3
4
5
2
4
5
