Ապրիլին լուրջ գումարներ են Հայաստանից դուրս բերվել. Ինչ է կատարվում

Lragir.am-ի հարցերին պատասխանել է տնտեսագետ Վահագն Խաչատրյանը

Պարոն Խաչատրյան, այս տարվա առաջին եռամսյակում Հայաստանում ներդրումների զուտ հոսքերի ծավալը բացասական է եղել՝ կազմելով -7 մլրդ 536.5 մլն դրամ: Ի՞նչ է սա նշանակում:

Դա նշանակում է, որ ներդրումների առումով Հայաստանից դուրս եկող գումարներն ավելի շատ են, քան երկիր եկող գումարները: Տնտեսագիտական տեսանկյունից դա համարվում է կապիտալի արտահոսք:

Տնտեսական զարգացման և ներդրումների նախարարն ասում է, որ զուտ ներհոսքի բացասական լինելը չի կարելի համարել ՀՀ-ից կապիտալի արտահոսք, որովհետև դրանում ներառված են այն գումարները, որոնք Հայաստանի կազմակերպությունների կողմից որպես կանխավճար փոխանցվել են օտարերկրյա արտադրողներին՝ հիմնական միջոցներ ձեռք բերելու համար:

Մի քիչ ավելի գրագետ բացատրության կարիք կա: Այդ դեպքում պետք է ներկայացնեն նախորդ տարիների պատկերը: Որպեսզի այդ խոսակցությունն ավելի լուրջ լինի, պետք է այդ միտումներն ուղղակի ժամանակի մեջ ցույց տան, թող նախորդ տարվա այս ժամանակահատվածը համեմատեն ու վերլուծեն՝ կանխավճարներ դարձյալ եղե՞լ են, միտումները դրական են եղել, թե՞ բացասական: Այս դեպքում կարևորը Ազգային վիճակագրական ծառայության կողմից արձանագրած փաստն է, եթե կարիք կա բացելու այդ ամենը ու մանրամասնելու, թող իրենք մեզ ներկայացնեն: Իրենց ասածն ընդամենը ենթադրություն է, փաստը մնում է փաստ, որ արձանագրված է, որ ներդրումների զուտ հոսքը բացասական է: Իսկ դա նշանակում է, որ մարդիկ ավելի շատ գերադասել են կապիտալը դուրս հանել այստեղից: Երեք ամիս հետո, երբ կպարզվի, որ դա այն է, ինչ նախարարն ասում է, մեր կողմից կարձանագրվի նաև դա, որ այդ կանխավճարների արդյունքում ձեռք են բերվել ինչ-որ կոնկրետ սարքավորումներ և այլն:

շարունակությունը՝ կայքում