«Պատրաստ եմ Կարենի ու իր պապայի հետ մտնել բանավեճի»․ Հակոբ Հակոբյան
ՔաղաքականությունԱզգային ժողովի նախկին պատգամավոր Հակոբ Հակոբյանը (Ճոյտ) «Առաջին լրատվական»-ի հետ զրույցում հավաստիացրել է, որ Էջմիածնի ընտրություններում ինքը որևէ թեկնածուի աջակցելու մասին չի հայտարարել՝ չնայած շրջանառվող այն լուրերին, թե նախկին պատգամավորը պաշտպանում է Էջմիածնի քաղաքապետի թեկնածու Արթուր Թումանյանին: Նրա խոսքով՝ Էջմիածնի գործող քաղաքապետ Կարեն Գրիգորյանը, որպես այդպիսին, գոյություն չունի. «Կա միայն Մանվել Գրիգորյանի ֆակտորը, ով էլ միանձնյա որոշումներ է կայացնում»: Հակոբ Հակոբյանը կարծում է, որ այսօր Էջմիածնում տիրում է վախի մթնոլորտ. «Բայց Էջմիածնի բնակիչն այլևս չի ուզում վախեցած ապրել, այլ ուզում է ընդամենը ապրել իր հարևան քաղաքների բնակիչների նման»:
Իսկ ինչ վերաբերում է Կարեն Գրիգորյանի կողմից բանավեճի հրավերին, ապա մեր զրուցակիցն ասաց. «Կարեն Գրիգորյանը՝ Կարիճը, բանավեճի է հրավիրում և վիրավորում է ընտրողներին: Իրենց համար մահացու վիրավորանք է, որ կարող է որևէ մարդ իրենց բացերի մասին իրենց ճակատին ասել: Ես պատրաստ եմ ցանկացած ժամանակ իր և իր պապայի հետ մտնել քաղաքական բանավեճի մեջ»:
Հակոբ Հակոբյանի համոզմամբ՝ հանձնաժողովի կազմում ընդգրկվելու են մանկապարտեզների, քաղաքապետարանի աշխատակիցները և Մանվել Գրիգորյանի հարազատները, «որոնք պատրաստ են լինելու կեղծել ընտրությունները»:
Հակոբ Հակոբյանը Էջմիածնի գործող քաղաքապետին կոչ արեց բնակչության հետ հանդիպել և նրանց հարցերին պատասխանել անպայման Զվարթնոցի մշակույթի տանը:
1
2
3
4
5
1
2
4
5
2
