Անի Զախարյանը ծանր հղիություն է տանում

ՀՐԱՊԱՐԱԿ / «Այն ոստիկանները, ովքեր ինձ բերման են ենթարկել, նրանց անձերն արդեն պարզված են, ես հետամուտ եմ լինելու այդ ոստիկանների ճակատագրով»․- նշում է «Նոր քաղաքական մշակույթ» կուսակցության առաջնորդ Անի Զախարյանը։

Հիշեցնենք, որ Անի Զախարյանը մեղադրվում է մի խումբ անձանց դիտավորությամբ ուրիշի գույքը վնասել դրդելու մեջ, մասնավորապես ՊՊԾ գունդը գրավելուն հաջորդած ցույցերի և հավաքների ժամանակ բարձրախոսով հնչեցրել է ոստիկանական ավտոմեքենան կոտրելու և վնասելու կոչեր։ Անի Զախարյանին սպառնում է մինչև 4 տարվա ազատազրկում։

«Հատուկ քննչական ծառայությունում գործ է հարուցված Խորենացի փողոցում տեղի ունեցած զանգվածային ապօրինությունների հետ կապված, ժամանակ առ ժամանակ հանդիպումներ եմ ունենում այնտեղ ղեկավար մարմինների հետ, զանգահարում եմ, ծանոթանում եմ ընթացքին, ինչպիսին է, և այս պահին դեռ նախաքննությունը չի ավարտվել»․- նշում է Անի Զախարյանը։

Hraparak.am-ը հետաքրքրվեց նաև, թե ինչու է Անի Զախարյանն ընդհատակ անցել, քաղաքական գործընթացներին սովորության համաձայն չի մասնակցում․ «Այս պահին լուրջ քաղաքական գործունեությունս ժամանակավորապես դադարեցրել եմ, որովհետև դրա համար կա շատ օբյեկտիվ պատճառ, խիստ անձնական է, պետք է ասեմ, որ երեխայի եմ սպասում և բավականին ծանր հղիություն եմ տանում։ Դա է հիմնական պատճառը, գիտեք, որ մի անգամ նման վատ փորձ ունենալուց հետո հիմա այս պահին առաջնայինն ինձ համար իմ երեխան է ապագա»։

շարունակությունը՝ կայքում