Հայաստանում առաջին հերթին պետք է ստեղծել շինանյութի գործարաններ. «Մեր Ձևով» շարժման համակարգող
Քաղաքականություն
«Հայաստանում օգտագործվող շինարարական ապրանքների մոտ 80 տոկոսը ներմուծվում է այլ երկրներից. այսինքն ամբողջ տնտեսական էֆեկտիվությունը երկարաժամկետ արդյունք չի թողում»,-«Շանթ» հեռուստաընկերությանը տված հարցազրույցում ասաց «Մեր Ձևով» ժողովրդական շարժման համակարգող Նարեկ Կարապետյանը։
Նա նշեց, որ քաղաքացիները վարկ են վերցնում, գնում բնակարան, շինարարության ժամանակ մեծ մասամբ հայկական ապրանքներ չեն օգտագործում, այլ ներմուծված։
Ն. Կարապետյանը հայտարարեց, որ առաջին հերթին պետք է ստեղծեն գործարաններ, որպեսզի հայկական շինանյութը կարողանա ապահովել բնակարանաշինության համար անհրաժեշտ շինանյութի 80-90 տոկոսը, որից հետո զարկ կտան շինարարության աճին, որպեսզի ամբողջ արդյունքը մնա Հայաստանում, նաև կստեղծվեն նոր աշխատատեղեր։
«Մեր Ձևով» շարժման համակարգողն ասաց, որ Հայաստանի բազմաթիվ համայնքներում բացի պետական աշխատանքից, շատ քիչ այլընտրանք կա։
«Սա ցույց է տալիս, որ մեր երկիրը վերջին 35 տարվա ընթացքում որևէ տնտեսական քաղաքականություն չի որդեգրել, բացի Երևանի զարգացումից, իսկ Երևանում էլ տնտեսության զարգացումը հիմնականում ծառայությունների, շինարարության հաշվին է»,- ասաց նա։
1
2
3
4
5
2
3
4
5
1
3
4
5
