Նիկոլ Փաշինյանին շահավետ չէ եկեղեցու հարցի արագ հանգուցալուծումը. Նաիրի Սարգսյան
Քաղաքականություն
Նիկոլ Փաշինյանին շահավետ չէ եկեղեցու հարցի արագ հանգուցալուծումը: Այս մասին Tert.am-ի հետ զրույցում ասել է «Հայաստանը ես եմ» նախաձեռնության ղեկավար Նաիրի Սարգսյանը:
«Նրան պետք է մինչև ընտրությունների վերջին օրը պրոցեսը ձգել, որովհետև ինչքան էլ տեխնոլոգներ ու խորհրդատուներ լինեն, գործող իշխանության վարկանիշի աճի վրա բացառապես մի բան է աշխատում՝ տրված խոստում և կատարողական: Նա չի կարող կատարողականով հանդես գալ:
Նիկոլ Փաշինյանն ասում է՝ 300,000 աշխատատեղ եմ ստեղծել, ու երբ այդ խոսույթով հանդես էր գալիս՝ ես առաջիններից եմ եղել, որ նրան «քուանշ» եմ տվել և հիմնավորել, որ սուտ է խոսում, ինքն աշխատատեղ չի ստեղծել, այլ՝ աշխատատեղը ստվերից դաշտ է բերել: Աշխատողի սպիտակ դաշտ գալը տվել է եկամտային հարկով հարկելու հնարավորություն, միևնույն ժամանակ՝ նվազեցրել է շահութահարկը:
Այսինքն՝ ըստ էության, ինձ համար ինչ տարբերություն, պետական եկամուտը շահութահարկի խողովակավ կգա, թե եկամտային հարկի խողովակով: Հետևաբար, դա ներկայացնել որպես դարի ձեռքբերում՝ անընդունելի կեղծիք է»,- նշել է նա:
1
2
3
4
5
1
2
3
4
5
2
