Փոքր բիզնեսը երկրի ողնաշարն է, այլ ոչ թե հարկային զոհը. Աշոտ Մարկոսյան
Քաղաքականություն
Լուծել տնտեսական խնդիրները. սա է Հայաստանի զարգացման բանալին, և մենք՝ բոլորս, ունենք այդ բանալին, «Ուժեղ Հայաստան» կուսակցության համագումարին հայտարարեց «Մեր ձևով» շարժման անդամ Աշոտ Մարկոսյանը։
Նա հռետորական հարց հնչեցրեց. «Ինչո՞ւ էինք մենք ամիսներով շրջում մարզերով և ներկայացնում Սամվել Կարապետյանի 5 տնտեսական քայլերը, քանի որ այս 5 կետերում են Հայաստանի խնդիրների հիմնական լուծումները։ Առանց աշխատատեղի մարդիկ հեռանում են երկրից, երիտասարդները չեն տեսնում ապագա, տնտեսությունը չի զարգանում։ 300 հազար աշխատատեղ նշանակում է 300 հազար մարդ՝ իր ընտանիքով հանդերձ կմնա Հայաստանում և կզարգացնի մեր երկիրը, միլիարդավոր դրամներ կգան պետական բյուջե, որպեսզի մենք ունենանք բարձր արդյունավետությամբ կրթություն, առողջապահություն, պաշտպանություն և սոցիալական խնդիրների վերջնական լուծում»։
Նրա գնահատմամբ՝ սա ոչ թե մեկ խնդրի լուծում է, այլ շղթայական լուծում է։
«Այսօր փոքր բիզնեսին հարկերը խեղդում են, մարդիկ վախենում են բիզնես սկսել, իսկ ովքեր էլ որ սկսել են, դրանք շատ շուտ փակվում են։ Փոքր բիզնեսը երկրի ողնաշարն է, այլ ոչ թե հարկային զոհը»,-նկատեց նա։
1
2
3
4
5
2
3
4
5
1
3
4
5
