«Слышь, ты че такая дерзкая, а?»․ Տիմատին՝ 13-ամյա հայուհուն

Armtimes.com / Ռուս հայտնի ռեփեր Տիմատին, ինչպես խոստացել էր, ցնցեց Երեւանը: Երեկ՝ հունիսի 8-ին, նա Հանրապետության հրապարակում մոտ 2 ժամ երգեց իր հայ հանդիսատեսի առաջ: Սկզբում Տիմատին ներողություն խնդրեց իր նախորդ չկայացած ելույթի համար: Նա այստեղ պետք է երգեր մայիսի 12-ին Black Star-ի մյուս անդամների հետ, սակայն Քրիստինա Սիի, L’One-ի ու Մոտի ելույթներից հետո հայտարարվեց, որ տեխնիկական պատճառներով՝ Տիմատին չի կարող բեմ բարձրանալ:

«Վերջերս Կարեն Դեմիրճյանի անվան մարզահամերգային համալիրում նախատեսված իմ ելույթը տեղի չունեցավ, բայց գիտեի, որ վերադառնալու եմ, եւ կրկնակի լավ համերգ եմ ներկայացնելու: Անկեղծ կասեմ, որ ինձ շատ հաճելի է, որ իմ այս մենահամերգին այսքան շատ մարդ է եկել: Անչափ շնորհակալ եմ»,- ասաց նա:

Համերգի ընթացքում Տիմատիի ու երկրպագուների միջեւ ժամանակ առ ժամանակ հետաքրքիր եկկխոսություն էր ծավալվում: Երգերից մեկից առաջ նա ասաց, որ ցանկանում է մնալ Երեւանում, սակայն նրան հյուրանոցից դուրս են հանում:

«Աղջիկնե՛ր, կարող եմ այսօր ձեզնից մեկի տանը մնալ»,- հարցրեց նա, եւ պատասխանը չուշացավ:

Իմանալով, որ իրեն հրավիրող աղջիկը 13 տարեկան է, երգիչը ենթադրեց, թե ինչպիսին կլինի նրա հոր արձագանքը:

«Հայրդ, երեւի, կասի. «Слышь, ты че такая дерзкая, а?»»,- ասաց նա ու կատարեց համանուն երգը:

Համերգի ընթացքում հնչեցին նաեւի ռեփերի մի շարք այլ հայտնի հիթեր՝ «Мага», «Где ты, где я», «Дай мне уйти» եւ մի շարք այլ ստեղծագործություններ: Երգերից մեկը կատարելիս նա բեմ բարձրացավ եռագույնն ուսերին, ինչը շատ դուր եկավ ներկաներին եւ բուռն արձագանքի արժանացավ:

Հանրապետության հրապարակում հավաքված նրա հազարավոր երկրպագուներն անդադար ձայնակցում էին: Հազվադեպ է լինում, որ Երեւանում ինչ-որ համերգի ժամանակ այդքան մարդ է հավաքված լինում եւ այդպես կլանված մասնակցում է: Տիմատիի շնորհակալությունները, գովեստի խոսքերը հանդիսատեսին, իր հետ երգելու եւ պարզապես համերգը վայելելու կոչերը ոգեւորության մեծ ալիք էին բարձրացնում հրապարակում:

Երկրպագուները ոչ մի կերպ չէին ցանկանում բաց թողնել սիրելի աստղին: Երգչի հրաժեշտից հետո շատերը հեռախոսներով հետեւում էին նրա մեքենային փորձելով լուսանկարվել նրա հետ:

շարունակությունը՝ կայքում