Հայաստանում կզարգացնենք մեծ պահանջարկ ունեցող ապրանքների, ինչպես նաև դեղերի արտադրությունը. Նարեկ Կարապետյան
Քաղաքականություն
«Ուժեղ Հայաստան» կուսակցության տնտեսական ծրագրով նախատեսվում է 300 000 նոր աշխատատեղ ստեղծել երկրում։ Խթան կտրվի նաև տեղական արտադրության զարգացմանը։ Այդ մասին ֆեյսբուքյան ուղիղ եթերում ասել է «Ուժեղ Հայաստան» կուսակցության քաղխորհրդի անդամ Նարեկ Կարապետյանը։
«Մեր երկրում ներմուծումը 4 միլիարդ դոլարով ավելի շատ է, քան արտահանումը, այսինքն՝ մենք մեր երկիր 4 միլիարդ դոլարով ավելի շատ ապրանք ենք բերում, քան արտահանում ենք։ Դա բերում է նրան, որ երկիրն աղքատանում է, իսկ այդ աղքատության հարցը լուծում են պետական պարտքն ավելացնելով և Սփյուռքից ուղարկած փողերի հաշվին։ Մեր առաջարկը միշտ եղել է տեղական արտադրություններ հիմնելը՝ այն ապրանքների, որոնք մենք ներմուծում ենք»,- նշել է Նարեկ Կարապետյանը։
Նա ընդգծել է՝ հնարավոր է նաև դեղերի արտադրությունը զարգացնել.
«Տեղայնացումը կբերի նրան, որ Հայաստանում կստեղծվեն բոլոր մեծ պահանջարկ ունեցող ապրանքների արտադրություններ։ Նույնը՝ դեղերի հետ կապված։ Այն դեղերը, որոնք մեծ պահանջարկ ունեն Հայաստանում, կարտադրվեն այստեղ. Հայաստանում կստեղծվի դրանց արտադրությունը»։
Սրա շնորհիվ, ինչպես նշել է Կարապետյանը, գներն էլ հնարավոր կլինի օպտիմալ կարգավորել։
1
2
3
4
5
1
2
3
4
5
2
