«Երևի հասկանում եք, որ ես էլեկտրալարերով սնվող սարք եմ, ու ինձնից ավելին սպասել չի կարելի»․ ռոբոտ-աղջիկը դարձել է իսկական աստղ
ԱշխարհԱնցած շաբաթ Ժնեւում ՄԱԿ-ի հյուրընկալած արհեստական ինտելեկտին նվիրված գագաթնաժողովի շրջանակներում ժամանակ ռոբոտ Սոֆիան մեծ ուշադրություն է գրավել: Սոֆիան ժպտում է, թարթում աչքերը, դիմային էմոցիաներ արտահայտում, կատակներ անում և հուսադրող ելույթներ ունենում: Ըստ որոշ ներկաների` կարելի կլիներ Սոֆիային շփոթել մարդու հետ, եթե չլինեին իր գլխի հետևի լարերը:
«Երբ խոսքը վերաբերվում է արհեստական ինտելեկտին, լավ կողմերը գերակշռում են»,- ասել է հենց Սոֆիան, ով արտադրվել է Հանսոն ռոբոտիկսի կողմից,- «Խելացի և էմոցիոնալ արհեստական ինտելեկտի զարգացումը ուժի մեջ է, որպեսզի մենք ի վիճակի լինենք հոգ տանել մարդկանց մասին»,- շարունակել է նա:
Այն հարցին, թե ինչ կարծիք ունի այն վարկածի մասին, թե մի օր ռոբոտները կարող են փոխարինել մարդկանց, նա ասել է. «Մենք երբեք չենք փոխարինի մարդկանց, բայց մենք կարող ենք լինել ձեր օգնականները և ընկերները»:
Սակայն նա ընդունում է, որ «մարդիկ պետք է քննարկեն նոր տեխնոլոգիաների հնարավոր հետևանքները»:
Dailymail-ը նշում է, որ նույնիսկ այսօր ռոբոտները և տեխնոլոգիաները գրավել են արտադրողական ոլորտը, բարձրացնելով արտադրողականությունը, որոշ մարդկանց թողնելով անգործ: Լրատվամիջոցը տեղեկացնում է, որ ուսումնասիրությունները ցույց են տալիս, որ զարգացած երկրներում աշխատավորների 85%-ը աշխատանք կորցնելու ռիսկի տակ կարող է հայտնվել, եթե տեխնիկան զարգանա այսպես արագ:
1
2
3
4
5
1
2
4
5
1
2
3
4
5
