Դրո, 31, Հոկտեմբերի 27, Ծռեր․ ինչու է հերոսացվում ծռությունը

Առաջին լրատվական / Ընդդիմադիր «Ելք» խորհրդարանական խմբակցության պատգամավոր Էդմոն Մարուքյանի կարծիքով՝ «Սասնա ծռեր» զինված խմբի անդամների գործողություններում քրեական հանցակազմ կա: «Ազատության» «Կիրակնօրյա վերլուծական» հաղորդաշարի եթերում Մարուքյանը միաժամանակ խուսափել է քաղբանտարկյալներ կոչել անցած տարվա հուլիսին ոստիկանության ՊՊԾ գնդի տարածքը գրաված «Սասնա ծռեր»-ի անդամներին:

Մարուքյանի կարծիքը եզակի չէ, և այդպես են մտածում, համենայնդեպս, բոլոր ռացիոնալ մարդիկ, սակայն արդեն երկու օր է՝ ընդդիմադիր պատգամավորը դարձել է ամբոխահաճո հարձակումների, էժան քննադատության թիրախ: «Ծռության» կողմնակիցները նույնքան ագրեսիվ են, որքան ճաղերի հետևում հայտնված այն մարդիկ, որոնց նրանք պաշտպանում են: «Ծռությունը», ինչպես Հայաստանի իշխանությունը, մեծ հաշվով նույն ավտորիտար մտածողության կրողներն են: Պատահական չէ, որ ունենք «զենքի վրա» երդված նախարարներ, որոնց ու «Ծռերի» արժեքային ընդհանրությունն, ըստ էության, անհերքելի է:

Թերևս եկել է մի քանի ճշմարտություններ բացահայտելու ժամանակը: Ու գլխավոր ճշմարտությունն այն է, որ «Ծռերը» հերոսներ լինել չեն կարող, որովհետև աշխարհում չկա ահաբեկչի կամ հանցագործի հերոսացման օրինակ: Խոսքս քաղաքակիրթ աշխարհի, ոչ թե Բեյրութի Պուրճ Ամութի մասին է, որը գուցե գաղափարական ակունք է հայաստանցի բացահայտված և պոտենցիալ ահաբեկիչների համար:

շարունակությունը՝ կայքում