«Ոչ «Արևմտյան Ադրբեջանին»» շարժումը ուժեղացնում է հասարակական մոբիլիզացիան․ Սյունիքը՝ ուշադրության կենտրոնում (տեսանյութ)
Քաղաքականություն«Ոչ Արևմտյան Ադրբեջանին» շարժումն առաջիկայում այցելելու է Սյունիքի մարզ։ Euromedia24-ի եթերում հայտարարել է շարժման համակարգող, «Դեմոկրատական այլընտրանք» կուսակցության նախագահ Սուրեն Սուրենյանցը՝ հավելելով, որ նպատակն է՝ հստակ ուղերձ տալ, որ Սյունիքը ուշադրության կենտրոնում է․
«Երբ խոսում ենք սպառնացող վտանգների մասին բոլորիս մտքին առաջինը Սյունիքն է գալիս , ակնհայտորեն, Զանգեզուրի միջանցք կոչվածի նկատմամբ Ադրբեջանը և Թուրքիան մեծ գայթակղություն ունեն։ Սյունիք այցի նպատակն է նաև մեսիջներ հասցեագրել, որ Հայաստանը կարող է դիմակայել այս փորձությանը, եթե բոլորս անհատապես պատասխանատվության զգացում ունենանք»։
Սուրեն Սուրանյանցը նաև նշում է՝ «Ոչ Արևմտյան Ադրբեջանին» շարժումը քաղաքացիների կողմից շատ արձագանքներ ու առաջարկներ է ստանում․
«Վերջին կլոր սեղան քննարկումից հետո քաղաքացիներից մեկը մեծածավալ առաջարկների փաթեթ է ներկայացրել, որը հիմա ուսումնասիրման փուլում է, այնտեղ կան շատ արժեքավոր առաջարկներ՝ մեր պայքարի շարունակության վերաբերյալ»,-ասում է Սուրենյանցը։
1
2
3
4
5
1
2
3
4
5
2
