18+ պատմություն․ Ավարտական երեկո, չարաբաստիկ ավարտ

Կարեն Աբրահամյանի պատմվածքը․

Տարիներ են անցել, սակայն չեմ կարողանում մոռանալ այն չարաբաստիկ երեկույթը, որը ճակատագրական եղավ ինձ համար և տառապանքներ պատճառեց:
Երազում էի ուսուցչուհի դառնալ: Ես մեր դասարանի ամենալավ սովորողներից մեկն էի: Վերջին զանգից հետո, ավարտական խնջույքը շարունակվում էր, երբ նկատեցի, որ մեր դասարանի աղջիկները աննկատ հեռացել են: Գյուղում ընդունված չէր, որ աղջիկներն երեկոյան միջոցառումների մասնակցեն: Նրանց ծնողները կամ եղբայրները եկել ու աննկատ տուն էին տարել: Քանի որ ես եղբայր չունեի, որ անհանգստանար ինձ համար, ծնողներս էլ սարում անասունների մոտ էին, մնացել էի տղաների հետ և նրանց հույսին, որ ինձ էլ տուն հասցնեն: Տղաները շամպայնից գինովցել էին: Մեր հարևանի գինովցած տղան ինձ տուն հասցնելու փոխարեն, սկսեց հետս համբուրվել, որն ավարտվեց սեռական բնույթի գործողություններով: Նրան միացան նաև մյուս տղաները: Հերթով սկսեցին ինձ հետ կենակցել: Լինելով սեռական կյանքի մասին գիտելիքներից զուրկ ու տգետ գյուղացի աղջիկ, պատկերացում անգամ չուների, թե ինչ բան է սեքսը: Ճիշտ է, հետաքրքրություն ունեի տղաների նկատմամբ, սակայն պատրաստ չէի սեռական կյանքին: Հերթական սեռական հարաբերությունների ժամանակ միայն ցավ էի զգում և նողկանքի զգացողություն: Շտապում էի, թե երբ կվերջացնեն և այդ ամենը կավարտվի: Երբ ամեն ինչ ավարտվեց, խելքս գլուխս հավաքելով, հասկացա, թե ինչ սխալ եմ գործել:
Գիշերվա կեսին երկու տղաներ ինձ տուն հասցրեցին: Ցավից մղկտում էի: Տանը միայն քույրս էր փոքրիկ քրոջ հետ: Գաղտագողի անկողին մտա, սակայն սաստկացող ցավերից չէի կարողանում քնել:
Առավոտյան ողջ գյուղն միայն իմ մասին էր խոսում: Բամբասում էին, որ ես ողջ դասարանի հետ անառակությամբ եմ զբաղվել, տղաներին փչացրել:
-Անառակ, դուրս կորիր տանից, -գոռում էր սարից եկած հայրս, -դու ողջ գյուղում պատվազրկեցիր մեզ: Գնա, ուր ուզում ես, միայն քեզ չտեսնեմ:
Մղկտացող ցավերին գումարվեցին նաև հոգեկան տառապանքները: Չգիտեի ինչ անել: Որոշեցի ինքնասպանության միջոցով վերջ դնել այդ տառապանքներին: Հաջորդ օրը մեռած կգտնեին ինձ, եթե մեր գյուղի հովիվը չկանխեր իմ ինքնասպանության փորձը: Ինձ հանգստացրեց, իր տուն տարավ: Ինձանից բավականին տարիքով մեծ էր, կինն էլ մահացել էր: Նա իմ նկատմամբ շատ ուշադիր էր, հոգատար: Ճիշտ է, նա արտաքնապես ինձ այնքան էլ դուր չէր գալիս, սակայն ուրիշ ճար չունեի, գնալու տեղ չունեի: Որոշ ժամանակ անց, սկսեց հետս սեռական հարաբերություններ ունենալ: Արտաքնապես տգեղ, սակայն ներքուստ գեղեցիկ էր, քնքուշ: Չէի պատկերացնում, որ այդ հարաբերությունները կարող էին ինձ մոտ անհուն սեր առաջացնել նրա նկատմամբ, ինձ համար ցանկալի մարդ դարձնել: Նա ինձ համար դարձավ ամուսին և ամենագլխավոր մարդը, ով իմ կյանքը փրկեց, մեջս ապրելու ցանկություն առաջացրեց և ամենակարևորը` նորմալ սեռական հարաբերություններ ունեցավ հետս: Դա էր իմ ճակատագիրը: