Բեկում հայկական հարցում. հնարավոր են անհավանական լուծումներ
Աշխարհ
Եթե վերսկսվի հայ-ադրբեջանական հակամարտությունը, Հայաստանը, իհարկե, չի կարող հույսը դնել Տաջիկստանի, Ղրղըզստանի ռազմական օգնության վրա, որոնք Հայաստանի անվանական դաշնակիցներն են Հավաքական անվտանգության պայմանագրի կազմակերպությունում (ՀԱՊԿ), բայց այս երկրները գոնե պահպանում են քաղաքական համերաշխությունը Հայաստանի նկատմամբ և չեն խանգարում՝ ի տարբերություն Ղազախստանի: «Առաջին լրատվական»-ի հետ զրույցում այսպիսի մեկնաբանություն տվեց Մերձավոր Արևելքի և Կովկասի հարցերի փորձագետ Ստանիսլավ Տարասովը՝ Տաջիկստանի նախագահի հայաստանյան այցի կապակցությամբ խոսելով Կենտրոնական Ասիայի ուղղությամբ Հայաստանի քաղաքականության մասին:
Տաջիկստանի նախագահ Էմոմալի Ռահմոնը հունիսի 14-ին երկօրյա պաշտոնական այցով ժամանել է Երևան: Օդանավակայանում բարձրաստիճան հյուրին դիմավորել է ՀՀ արտաքին գործերի նախարար Էդվարդ Նալբանդյանը:
– Պարոն Տարասով, որքանո՞վ է արդյունավետ Հայաստանի քաղաքականությունը Կենտրոնական Ասիայի ուղղությամբ, եթե հարցը քննարկենք նաև Հայաստանի և Ադրբեջանի հակամարտության համատեքստում:
– Ձևավորվում է շատ հետաքրքիր կոմբինացիա, որը վկայում է Հայաստանի դիվանագիտական աշխատանքի արդյունավետության մասին: Դուք շատ լավ հիշում եք, որ կային և շարունակում են պահպանվել խնդիրները Ղազախստանի հետ, որը զբաղվում է Ադրբեջանի շահերի լոբբինգով: Ղազախստանը և Ադրբեջանը անդամակցում են, այսպես կոչված, պանթուրքական միությանը, ունեն ընդհանուր շահեր, և Նուրսուլթան Նազարբաևը փորձում է Եվրասիական տնտեսական միությունում, Շանհայան համագործակցության կազմակերպությունում ուժեղացնել թյուրքական թևի ազդեցությունը: Բնականաբար, այս երկրներն անընդհատ փորձում են մեկուսացնել Հայաստանին պաշտոնապես կամ ոչ պաշտոնական մեթոդներով: Թյուրքական այս պետությունների դաշինքը, սակայն, պառակտվում է: Հայտնի է, որ Ղրղըզստանը, ըստ էության, այլ կեցվածք ունի: Թուրքմենստանը ընդհանրապես չի մտնում այդ միության մեջ: Ուզբեկստանը շատ զգույշ է իրեն պահում և փորձում է կարգավորել իր հարաբերությունները Հայաստանի հետ, իսկ Տաջիկստանի հետ Հայաստանը լավ հարաբերություններ ունի շնորհիվ այն հանգամանքի, որ Տաջիկստանը գլոբալ կամ տարածաշրջանային առումով կողմնորոշված է դեպի Իրան: Հայաստանը իր հերթին շատ լավ հարաբերություններ ունի Իրանի հետ՝ հատկապես ներկայումս Մերձավոր Արևելքում տեղի ունեցող բուռն իրադարձությունների համապատկերում:
ամբողջը՝ կայքում
1
2
3
4
5
1
2
3
5
1
2
3
4
5
