«Դագաղը գրպաններ չունի». ինչ է հերքել Պուտինը
Աշխարհ
ՌԴ նախագահ Վլադիմիր Պուտինը հերքել է հայտարարություններն իր վիթխարի հարստության մասին։ Այս մասին նա ասել է ամերիկացի ռեժիսոր Օլիվեր Սթոունի հետ հարցազրույցում, որը 4 սերիանոց ֆիլմի տեսքով ներկայացնում է Showtime հեռուստաալիքը։
Ռեժիսորն ուշադրություն է դարձրել շշուկներին, թե Պուտինը հանդիսանում է «աշխարհի ամենահարուստ մարդը»։
«Ես չունեմ այդպիսի հարստություն, որի մասին խոսում են»,-նշել է նախագահը։
Պուտինն անհեթեթություն է անվանել Կիպրոսում հաշիվների առկայությունը՝ հավելելով, որ «եթե նման բան լիներ, ապա վաղուց բացահայտված կլիներ»։
«Չեմ կարծում, թե հարստությունը մեծ երջանկություն է։ Դուք շատ ավելի հարուստ մարդ եք, քան նա, ով իր հաշիվների վրա մեծ գումարներ ունի։ Դուք ունեք Ձեր կարծիքը, Ձեր տաղանդը, ունեք այն դրսևորելու հնարավորություն, ունեք հնարավոություն Ձեզնից հետո թողնելու նկատելի արդյունք։ Փողը նման երջանկություն չի բերում»,-ասել է նա։ Պուտինը հավելել է, որ «դագաղը գրպաններ չունի, փողերը հետդ չես տանի»։
1
2
3
4
5
1
2
3
5
1
2
3
4
5
