Իրանի ծովային շրջափակnւմ սկսելու ԱՄՆ որոշումն անoրինական է և ծովաhենություն. Իրանի ԶՈւ կենտրոնական շտաբի ներկայացուցիչ
ԱշխարհՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իրանի ծովային շրջափակում սկսելու ԱՄՆ որոշումն անօրինական է և հանդիսանում է ծովահենություն։ Այս մասին հայտարարել է Իրանի զինված ուժերի «Խաթամ ալ-Անբիա» կենտրոնական շտաբի ներկայացուցիչ Էբրահիմ Զոլֆագարին, հաղորդում է ՏԱՍՍ-ը:
«Հանցագործ Ամերիկայի սահմանափակումները միջազգային ջրերում նավերի ծովային տեղաշարժի նկատմամբ անօրինական գործողություն են և ծովահենության դրսևորում»,- նրա խոսքերն է մեջբերում Իրանի պետական հեռուստառադիոընկերությունը։
«Խաթամ ալ-Անբիա» կենտրոնական շտաբի ներկայացուցիչը նշել է, որ հաշվի առնելով պատերազմի ավարտից հետո Իրանի ժողովրդի և ազգային անվտանգության դեմ թշնամու շարունակվող սպառնալիքները՝ Իրանը վճռականորեն կհաստատի Հորմուզի նեղուցում տեղաշարժերի վերահսկման մշտական մեխանիզմ։
«Եթե Պարսից ծոցի և Օմանի ծոցի ջրերում Իրանի Իսլամական Հանրապետության նավահանգիստների անվտանգությունը վտանգվի, ապա Պարսից և Օմանի ծոցերի ոչ մի նավահանգիստ անվտանգ չի լինի»,- ընդգծել է Զոլֆագարին։
Հիշեցնենք, որ ավելի վաղ Թրամփը հայտարարել էր, որ ամերիկացի զինվորականները ապրիլի 13-ին կսկսեն Իրանի ծովային շրջափակումը։ ԱՄՆ-ը մտադիր է արգելափակել բոլոր այն նավերի տեղաշարժը, որոնք ուղևորվում են դեպի Իրանի նավահանգիստներ կամ փորձում են դուրս գալ դրա ափերից։
Հետևեք մեզ՝ այստեղ
1
2
3
4
5
1
2
4
5
2
