Թալանի շղթաները Մոսկվայից հասնելու են Երևան

«Առաջին լրատվական»-ի զրուցակիցն է փորձագետ Արբակ Խաչատրյանը (Մոսկվա):

-Պարոն Խաչատրյան, Հայաստանում ԱՄՆ դեսպան Ռիչարդ Միլսը 8 միլիարդի ներդում անելու առաջարկ արեց այլընտրանքային էլեկտրաէներգիայի արտադրության համար։ Բայց մեր իշխանությունների կողմից ամենաբարձր արձագանքը արտաքին հարաբերությունների հանձնաժողովի նախագահի մկարդակով էր։ Ինչո՞ւ Հայաստանը չի ցանկանում օգտվել այս հնարավորությունից։

-Իսկ ի՞նչ էիք սպասում ՀՀ իշխանություններից, որը բոլոր ոլորտներում կախված է Մոսկվայից՝ թե տնտեսական, թե՛ անվտանգության և թե՛ քաղաքական առումով։ Արտաքին քաղաքականություն Հայաստանն առհասարակ չի ունեցել, հետևաբար արտաքին քաղաքականություն այլ ուղղությամբ զարգացնելու փորձերն անիմաստ են։ Ես չեմ տեսել Հայաստանում մի իշխանություն, որը հայանպաստ արտաքին քաղաքականություն վարի, ու արդյունքում մենք ունենք այս իրավիճակը ղարաբաղյան հարցում և սահմանին։ Արտաքին քաղաքականությունը հասել է նրան, որ հեշտ ու հանգիստ ասում ենք՝ դե գիտեք, նորմալ է ՝ Մոսկվան և՛ մեզ է զենք տալիս, և՛ Ադրբեջանին։

Եթե հանկարծ դեսպանի առաջարկն ընդունվեր երկրի ղեկավարների մակարդակով՝ միանգամից ահռելի հարձակումներ կլիներ Մոսկվայի կողմից՝ քրեական գործեր կբացվեին իրավիճակը կբարդանար։ Կասեին այսքան տարի ձեզ պահել ենք, այդպես ե՞ք շնորհակալություն հայտնում։

-Իշխանությունների պատասխանը Միլլերի այցն էր Հայաստան՝ անհասկանալի օրակարգով, իսկ ընդդիմությո՞ւնը, ինչո՞ւ հետաքրքված չէ այս հարցով, ինչո՞ւ իշխանությունների առջև պահանջ չի դնում։

-Ներքին քաղաքականության մասին խոսելը անիմաստ է՝ Հայաստանում դիմություն, ընդդիմություն գոյություն չունի, բոլորն էլ նույն ուղղվածությունն ունեն ու նույն թելերից են կախված։ Դեսպանը հենց այնպես չի արել այդ հայտարարությունը, ահռելի աշխատանք է տարվել, պետդեպում քննարկվել է, հենց այնպես, կարծում եք, նման հայտարարություն կանե՞ր։ Փոքր երկրի դեսպան նման առաջարկ չէր կարող անել, ու սա պատահական առաջարկ չէ՝ ԱՄՆ-ում էլ լավ գիտեն Հայաստանի կախվածությունը Ռուսաստանից ՝թե տնտեսական և թե՛ անվտանգության առումով։

շարունակությունը՝ կայքում