«Դու ո՞վ ես, որ ինձ ասես՝ լավ չեմ հասկանում». դատավորը հաշիվ է պահանջել Շիրխանյանից
Քաղաքականություն
Armtimes / Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանը ՀՀ ՊՆ նախկին փոխնախարար Վահան Շիրխանյանին նիստերի դահլիճից հեռացնելուց հետո՝ միջանցքում փորձել է հաշիվներ պարզել նրա հետ:
Մասնավորապես` մեր զրույցում Շիրխանյանի պաշտպան Հայկ Ալումյանն ասաց, որ երբ պարոն Շիրխանյանին դահլիճից հանել են, դատավորն այդ հատվածում սպասելիս է եղել: «Երբ պարոն Շիրխանյանին հանեցին դատական նիստերի դահլիճից՝ փակ գոտու ուղղությամբ դատավորը սկսեց բարձր գոռալ պարոն Շիրխանյանի վրա ասելով՝ դու ո՞վ ես, որ ինձ ասես, որ ես ինչ-որ մի բան չեմ հասկանում: Այսինքն՝ տղայական ձեւերով սկսեց վրա տալ պարոն Շիրխանյանի վրա: Սա, ընդհանրապես, պատիվ չի բերում ե՛ւ այս դատարանին, ե՛ւ այն արդարադատությանը, որն էստեղ իրականցվում է, ե՛ւ կոնկրետ այդ դատավորին, որին մենք մինչ այսօր որպես բավականին զուսպ եւ ծանրակշիռ մարդու էինք ճանաչում: Գեղեցիկ չի ընդհանրապես, 72 տարեկան սայլակին գամված մարդուն վիրավորվել, ասել, թե ով ես, որ ինձ տենց բան ասես: Երբ, դու, դատավո՛ր, գտնվում ես դատարանում՝ զինված ոստիկաններով շրջապատված, իսկ էդ մարդը սայլակի վրա գամված»,- մանրամասներ պատմեց Ալումյանը:
շարունակությունը՝ կայքում
1
2
3
4
5
1
2
3
5
1
3
4
5
