Մխիթարյանին յուրօրինակ կերպով են ողջունել
Սպորտ
«Սիրելի Մխիթարյան, հպարտանում ենք քեզանով որպես հայ ֆուտբոլիստ: Կցանկանայի իմանալ՝ ինչպե՞ս են քո մանկության երազանքներն իրականացել», - Հայաստանի ֆուտբոլի ազգային հավաքականի ավագ, անգլիական «Մանչեսթեր Յունայթեդ»-ի կիսապաշտպան Հենրիխ Մխիթարյանի ֆեյսբուքյան էջում նման հարց է ուղղել հայտնի ֆուտբոլիստի երկրպագուն:
Ի պատասխան՝ Մխիթարյանն ասել է, որ երազանքներն իրականանում են, երբ այդ ուղղությամբ շատ են աշխատում:
«Երազանքներն իրականանում են, երբ շատ եք աշխատում, երբ դրանք դրական են ու պետք է անպայման հավատալ ինքներդ ձեզ», - հավելել է «Մանչեսթեր Յունայթեդ»-ի կիսապաշտպանը:
Մխիթարյանին հատկապես ուրախացրել են երկրպագու հայ փոքրիկները Կանադայից: Օգտատերերից մեկը հրապարակել է լուսանկար ու գրել.
«Հարգելի Մխիթարյան, նրանք ձեր մեծագույն երկրպագուներն են Մոնրեալից: Սուրբ Հակոբ հայկական դպրոցի սաներն են: Դուք նրանց ներշնչանքն եք ու ֆուտբոլում նրանց իդեալը: Շնորհակալություն դրա համար: Հույս ունենք՝ նրանք կհանդիպեն Ձեզ»:
«Հրաշալի նկար է, ողջույններս», - պատասխանել է Մխիթարյանը:
1
2
3
4
5
1
2
4
5
1
2
3
4
5
