«Պապա, էս ձյաձյաները ֆուտբոլի գնացել ե՞ն, ինչի՞ չեն ուզում վազեն» / տեսանյութ

Առաջին / Չնայած երեկ Երևանում բավական շոգ էր այդուհանդերձ Վազգեն Սարգսյանի անվան «Հանրապետական» մարզադաշտը մարդաշատ էր: Ֆուտբոլին կարոտ մարդիկ եկել էին Չեմպիոնների լիգայի խաղարկության որակավորման առաջին փուլի «Ալաշկերտ»-«Սանտա Կոլոմա» հանդիպումը դիտելու:
Ի դեպ, այս հանդիպմանը ավելի շատ երկրպագուներ էին ներկա քան հունիսի 5-ին կայացած Հայաստան-Սենտ Քիթս և Նևիս մրցավեճին: Մեր ազգային թիմի խաղին, որին մասնակցում էր Հենրիխ Մխիթարյանը «Հանրապետական» էին եկել մոտ 5 հազար հանդիսականներ: «Ալաշկերտի» և անդորրական գաճաճ թիմի դիմակայությանը մարզադաշտում հետևում էին մոտ 7 հազար երկրպագուներ:

Պետք է արժանին մատուցել «Ալաշկերտ» ֆուտբոլային ակումբի նախագահին, ով ի տարբերություն ՀՖՖ-ը նախագահ Ռուբեն Հայրապետյանի «խելքից դուրս» գներ չէր սահմանել տոմսերի համար, այլ մարդկանց հնարավորություն էր տվել անվճար դիտելու միջազգային հանդիպում: Երեկվա հանդիպումը ապացույցն է նրա, որ ֆուտբոլասերներին մարզադաշտ բերելու հույսեր այնուամենայնիվ կան: Ինչևէ, հանդիպումը ձանձրալի էր ու անհետաքրքիր: «Կարծում եմ՝ ինչին պատրաստվում էինք, տեսանք: Ասեմ ավելին, այսօր լավ չխաղացինք: Համատարած պաշպանությունը ջարդելու համար արագություն և ագրեսիվություն էր պետք, որը չտեսա: Ես ավելին էի սպասում, որը չտեսա: Զարմանալի է, որ կենտրոնում լավ չգործեցինք»,- խաղից հետո հայտարարեց Հայաստանի չեմպիոնի գլխավոր մարզիչ Աբրահամ Խաշմանյանը: Վերջինս ով կարծում ենք մեր երկրում լավագույն մարզիչն է խաղը ճիշտ էր կառուցել, սակայն ֆուտբոլիստները չգիտես ինչու դանդաղ և թափթփված էին գործում: Որոշ դրվագներում մեր թիմի խաղային կոմբինացիաները հիացմունք էին պատճառում, բայց…

«Պապա, էս ձյաձյաները ֆուտբոլի գնացել են՞, ինչի՞ չեն ուզում վազեն»,- մարզադաշտում հարևանությամբ գտվող երեխան շարունակ հարցնում էր հորը: Իսկ թե ինչու դեղին համազգեստով «ձյաձյաները» չէին ուզում վազեին դժվար է ասել: Ընդմիջմանը զգացում էր, որ Խաշմանյանը փոխել է խաղը և երկրորդ կեսի սկզբնամասում մերոնք մի քանի իրական գոլային պահեր ստեղծեցին: Կարծում ենք խաղի վրա զգալի ազդեցություն թողեց թիմի ավագ Վահագն Մինասյանի փոխարինումն ու նրա փոխարեն խաղադաշտ դուրս եկած Արտակ Գրիգորյանի վնասվածքը:

Հանդիպման 54-րդ րոպեին խաղադաշտ մտնելուց ընդամենը 6 րոպե հետո Գիրգորյանը լուրջ վնասվածք ստացավ և տեղափոխվեց հիվանդանոց: Որոշ տեղեկությունների համաձայն Գրիգորյանը կոտրել է քիթը և բաց կթողնի պատասխան հանդիպումը: Հանդիպման վեջնամասում «Ալաշկերտի» գործողությունները պրիմիտիվ էին և թույլ: Ամեն դեպքում հաղթեցինք և կան նախադրյալները Չեմպիոնների լիգայի խաղարկության որակավորման առաջին փուլը հաղթահարելու: Ունենք այն ինչ ունենք: «Ալաշկերտում» այսօր խաղում են բազմաթիվ ֆուտբոլիստներ ովքեր խաղացել են և խաղում են Հայաստանի ազգային հավաքականում: «Բնական է, որ մեկ տարվա ընթացքում երկու թիմերն էլ առաջադիմել են՝ համալրվելով նոր ֆուտբոլիստներով:

Հստակ է, որ «Ալաշկերտն» ավելի ուժեղ է, քան ՝«Սանտա-Կոլոման»: Բայց մենք էլ, ի տարբերություն նախորդ տարվա, մեկ աստիճանով առաջադիմել ենք: Մեր առաջին նպատակը հույսով Անդորրա վերադառնալն էր, ինչին մենք հասանք: Ոչ մի թիմ չի հրաժարվում գոլ խփելուց, բայց հասկանալով թիմերի միջև առկա մեծ տարբերությունը, մրցակցի զորեղ լինելը, կարելի է գոհանալ: Այն, որ գնդակին չտիրեցինք, չի նշանակում, որ գոլ խփելու նպատակ չունեինք: Դա թիմերի մակարդակի տարբերության հարց էր», – խաղից հետո ասել է «Սանտա Կոմոլայի» գլխավոր մարզիչ Ռիչարդ Իմբերնոնը:
Հիշեցնենք, որ այս թիմերը միմյանց հետ մրցել են նաև անցյալ տարվա Չեմպիոնների լիգայի խաղարկության որակավորման առաջին փուլում: Մրցակցի հարկի տակ 0:0 խաղալուց հետո «Ալաշկերտը» Երևանում հաղթել էր 3:0 հաշվով: «Սանտա Կոլոմա»-«Ալաշկերտ» պատասխան հանդիպումը կկայանա հունիսի 4-ին: