Մեսիի հարսանիքը՝ բացառիկ ֆոտոշարքով ու տեսանյութով

Երեկ աշխարհի ամենահայտնի ֆուտբոլիստներից մեկը՝ Լիոնել Մեսին, ամուսնացել է իր մանկության սիրո՝ 29-ամյա Անտոնելա Ռոկուցոյի հետ, որին սիրահարված էր դեռևս 5 տարեկանից:

Ինչպես նշում է The Daily Mail-ը, 30-ամյա մարզիկի ու նրա ընտրյալի հարսանեկան արարողությանը ներկա է եղել ավելի քան 250 հյուր՝ այդ թվում նաև համաշխարհային ճանաչում ունեցող ֆուտբոլիստներ:

Պատվավոր հյուրերի համար փռվել է կարմիր գորգ, որով առաջինն անցել է ֆուտբոլիստ Սամուել Էտո’ոն, որին հետևել են Ֆաբրեգասը, Նեյմարը, Պույոլը և այլ հայտնիներ: Հետաքրքրական է, որ ճանաչված ֆուտբոլիստներից շատերի կանայք ու ընկերուհիներն իրենց հետ 5-6 զգեստ են բերել միջոցառման ժամանակ անընդհատ հագուստը փոխելու համար:

Հայտնի է, որ սպասված միջոցառումը կազմակերպվել է Մեսիի հայրենիքում՝ Արգենտինայում, որտեղ այս առիթով վարձակալվել է շքեղ հյուրանոցային համալիր:

Նշվում է, որ զույգն արգելել է հյուրերին, ինչպես նաև սպասարկող անձնակազմին լուսանկարել սմարթֆոններով: Միջոցառման անվտանգությունն ապահովել է 450 ոստիկան:

The Daily Mail-ը հավելում է, որ Մեսին ու Ռոկուցոն, ելնելով անվտանգության նկատառումներից, չեն ամուսնացել եկեղեցով ու սահմանափակվել են միայն քաղաքացիական կացության ակտի գրանցմամբ:

Ինչ վերաբերում է տարոսիկներին, ապա հյուրերը ստացել են մոտ 22 դոլար արժողությամբ գինիներ, որոնց արտադրությամբ զբաղվում է Մեսին: