Հայազգի մեծահարուստի որդու ճոխ հարսանիքը՝ Dolby Theatre -ում․ լուսանկարներ

Լոս Անջելեսի Dolby Theatre-ի շքեղ դահլիճում, որտեղ ամեն տարի կայանում է հեղինակավոր «Օսկար» կինոմրցանակաբաշխությունը, կազմակերպվել է հայազգի մեծահարուստ Ալբերտ Ավդոլյանի որդու շքեղ հարսանիքը:

Աղբյուրի տվյալներով՝ Գասպար Ավդոլյանի ընտրյալը ռուսաստանցի խոշոր գործարար Էլդար Օսմանովի դուստրն է՝ Լոլիտա Օսմանովան:

Հայտնի է, որ միջոցառումը վարել են Քսենյա Սոբչակն ու Անդրեյ Մալախովը: Հյուրերին իրենց ելույթներով զվարճացրել են Սվետլանա Լոբոդան, Նիկոլայ Բասկովը, Ստաս Միխայլովն ու Լեդի Գագան, որոնք սովորականից ավելի են վարձատրվել:

Աղբյուրը նկատում է, որ հարսանիքն իրոք շատ ճոխ է կազմակերպված եղել: Հսկայական ծաղկային կոմպոզիցիաներով զարդարված աստիճաններին հյուրերին դասական երաժշտության հնչյունների ներքո դիմավորել են ջութակահարները: Մինչդեռ հարսնացուի գերշքեղ զգեստի անվերջանալի թվացող պոչը գեղեցիկ թափվել է աստիճանների վրա:

Հյուրերի թվում էր հայտնի ոսկերիչ Լորի Ռոդկինը, որը չկարողանալով զսպել ոգևորությունը՝ Instagram-ի իր էջում գրել է. «Չեմ կարողանում մինչև վերջ հասկանալ՝ Ռուսաստանո՞ւմ եմ, թե՞ Հայաստանում, իսկ միգուցե «Ձայնի» հայկական շոուի՞ն»:

Ինչ վերաբերում է ճոխ արարողության վրա ծախսված գումարին, ապա ստույգ թիվը հայտնի չէ: Նշվում է միայն, որ ծաղկային զարդարանքների համար վճարվել է կես մլն դոլար, ևս 2 մլն վճարվել է ելույթ ունեցած արտիստներին:

46-ամյա Ալբերտ Ավդոլյանը, որը ծնվել է Կրասնոդարում, ՍԿԱՌՏԵԼ ընկերության սեփականատերն է, ինչպես նաև Yota-ի բաժնետերը: Գործարարն ունի 4 երեխա: Այժմ նա կնոջ հետ ապրում է Բևերլի Հիլզում, որտեղ 13 մլն դոլար արժողությամբ առանձնատուն ունի: